Rut Womi 4:1 - BAIBLO ALOO NGMAMI KLƆUKLƆU Ɔ

¹ Boaz ho ya hi si ngɛ kpe he ɔ ngɛ ma a agbo ɔ nya. Kɛkɛ nɛ e na Elimelek weku no ɔ nɛ e tu e he munyu ɔ nɛ bee. Boaz tsɛ lɛ nɛ e de lɛ ke, “Ye huɛ, ba nɛ o ba hi si ngɛ hiɛ ɔ.” E ba nɛ e ba hi si.

Rut Womi 4:1 ပူးပေါင်းရင်းမြစ်များ

Rut Womi 3:12

E ngɛ mi niinɛ kaa ngɛ kusumi nya a, i ngɛ he blɔ nɛ i ngɔɔ mo nɛ i hyɛɛ o nɔ lɛɛ, se kɛ̃ ɔ nɔ ko pa ngɛ blɔ nya pe imi.

Mose V, 25:7

Se ke nyumu ɔ sume kaa e maa ngɔ e nyɛminyumu ɔ yalɔyo ɔ, lɛɛ yo ɔ nɛ e ya ma agbo ɔ nya, nɛ ya de ma nimeli ɔmɛ ke, ‘Ye huno ɔ nyɛminyumu ɔ kplɛɛ we kaa e ma tsu e blɔ nya ní: e sume kaa e ma ha e nyɛminyumu ɔ ma na ngmɛdu ngɛ Israel.’

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Hiob 31:21

Ke i ya ye awusa ko amimi, ejakaa i le kaa bɔ tsuaa bɔ nɛ pee ɔ, a maa wo mi nguɔ ngɛ kojomi he ɔ,

Hiob 29:7

Be tsuaa be nɛ ma nimeli ma bua a he nya ngɛ ma agbo ɔ nya, nɛ ma ho ya hi ye blɔ he ngɛ lejɛ ɔ,

Mose V, 21:19

“Ke bi ko ngɛ kaa ja a, e fɔli ɔmɛ nɛ a ngɔ lɛ kɛ ya ha ma nimeli ɔmɛ ngɛ ma a mi he nɛ e ngɛ ɔ, nɛ a kojo lɛ.

Zakaria 2:6

Yawɛ de e ma a ke, “I gbɛ nyɛ fĩa je kɔ nya eywiɛ ɔmɛ tsuo. Se jehanɛ lɛɛ nyɛ nihi nɛ a nuu kɛ ho ma se ya, esɔ nɛ nyɛɛ tu fo kɛ je Babilonia kɛ ba Yerusalem.

Yesaya 55:1

Yawɛ ke, “Kuuwi, nyɛ nihi tsuo nɛ kuma ngɛ nyɛ yee, nyu babaaba ngɛ hiɛ ɔ ha nyɛ! Nyɛ nihi nɛ nyɛ be sika hu, nyɛɛ ba; nyɛ ba he niye ní nɛ nyɛɛ ye! Nyɛɛ ba nyɛ ba he dã, kɛ na nyɔ nyu e hia we sika; a jua we!

Mose V, 17:5

lɛɛ nyɛɛ ngɔ nɔ ɔ kɛ je ma a mi, nɛ nyɛ ya fiaa lɛ tɛ, nɛ e gbo, nyumu jio, yo jio.

Mose I, 23:10

Jamɛ a be ɔ mi ɔ, Efron nitsɛ hii si ngɛ Hit bi ɔmɛ a kpɛti ngɛ kpe he ɔ, ngɛ ma a agbo ɔ nya. E ha Abraham heto, nɛ nɔ tsuaa nɔ nɛ ngɛ lejɛ ɔ nu ke,

Mose I, 34:20

Hamor kɛ e bi Shekem ya kpe he ɔ, ngɛ maa agbo ɔ nya, nɛ a kɛ ma mi bi ɔmɛ ya tu munyu, nɛ a de mɛ ke,

Yoshua 20:4

E tu fo kɛ ya ma nɛ ɔmɛ eko mi, nɛ e ya da si ngɛ ma a agbo ɔ nya, nɛ e jaje bɔ nɛ e ba lɛ ha ngɔ tsɔɔ ma nimeli ɔmɛ. Kɛkɛ ɔ, ma nimeli ɔmɛ kɛ lɛ maa ba ma a mi, nɛ a ma ha lɛ he ko nɛ e hi.

Rut Womi 3:18

Naomi de lɛ ke, “Moo to o tsui si, ye bi, kɛ yaa si o maa na sane nɛ ɔ nya; ejakaa ja Boaz gbe sane nɛ ɔ nya mwɔnɛ ɔ loko e maa jɔɔ e he.”

Samuel II, 15:2

Daa ligbi ɔ, Absalom maa te si mla, kɛkɛ e ho ya da si ngɛ blɔ ɔ mi ngɛ ma agbo ɔ nya. Ke nɔ ko hɛɛ munyu ko kɛ ma matsɛ ɔ ngɔ nɛ a ye ha lɛ ɔ, Absalom ma tsɛ nɔ ɔ nɛ e ma bi lɛ ke, “Jije ma mi o je?” Ke nɔ ɔ tsɔɔ lɛ Israel wɛtso nɔ́ nɛ mi nɛ e je ɔ,

Kronika II, 18:9

Matsɛmɛ enyɔ ɔmɛ wo ablade tade kɛ hii si ngɛ a matsɛ sɛ ɔmɛ a nɔ ngɛ ngma mi sami he ɔ nɛ ngɛ Samaria ma agbo ɔ nya a, nɛ gbali ɔmɛ tsuo ngɛ gbae ngɛ a hɛ mi.

La 69:12

Nihi nɛ hii si ngɛ agbo nya a, ye he munyu sɔuu a hii tue, nɛ dã deli ɔmɛ hu imi la a hii woe.

Abɛ Womi 31:23

Ke ma nimeli kpe ɔ, a toɔ e huno ɔ he hɛ saminya ngɛ a kpɛti.

Yeremia 32:10

A pee womi ngɛ zugba a juami ɔ he, nɛ i kɛ ye nine wo sisi, nɛ i sɔu nya. I tsɛ nihi odase, nɛ i ngmɛ sika a ngɛ sɛni nɔ.

Mose I, 19:1

Benɛ Yawɛ bɔfo enyɔ ɔmɛ ba su Sodom jamɛ a gbɔkuɛ ɔ, Lot hii si ngɛ ma a agbo ɔ nya. Benɛ e na mɛ pɛ, e te si nɛ e ya kpee mɛ. E kpla si nɛ e kɛ e hɛ mi bu si,