Rut Womi 3:7 - BAIBLO ALOO NGMAMI KLƆUKLƆU Ɔ

⁷ Benɛ Boaz ye ní nɛ e nu nɔ́ ko, nɛ e bua jɔ e he ɔ, e ho nɛ e ya hwɔ si ngɛ ngma nɛ a bua nya a kasa nya. Rut pee blɛuu nɛ e ya kpa bo ngɛ e nane he, nɛ e hwɔ lejɛ ɔ.

Rut Womi 3:7 ပူးပေါင်းရင်းမြစ်များ

Mose I, 43:34

A gba ní kɛ je Yosef okplɔɔ ɔ he ya ha e nyɛmimɛ ɔmɛ, nɛ Benyamin nɔ́ ɔ hiɛ pe a ti nɔ tsuaa nɔ nɔ́ si enuɔ. A kɛ Yosef ye ní, nɛ a nu ní kɛ ya si mɛ tsuo a de dã.

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Matsɛmɛ I, 21:7

Ahab yo Yezebel bi lɛ ke, “Mo ji Israel matsɛ ɔ, aloo pi mo?” E ya nɔ de lɛ ke, “Tee si nɛ o ye ní, nɛ o ná bua jɔmi; ma ngɔ Yezreel no, Nabot wai ngmɔ ɔ kɛ ha mo!”

Ester 1:10

Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Fiɛlɔ 10:19

A tsɛɔ ní yemi konɛ a fiɛ nɛ a muɔ; dã haa nɔ bua jɔmi, se sika lɛ peeɔ nɔ́ tsuaa nɔ́.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Efesobi 5:18

Nyɛ ko de dã, ejakaa e kɛ sakasaka peemi lɛ nyɛɛɔ. Mohu ɔ, nyɛ ha nɛ mumi ɔ nɛ hyi nyɛ.

Manyadali 19:22

Benɛ a bua jɔ a he ɔ, yakayaka nyumu komɛ nɛ ngɛ ma a mi ɔ ba bɔle we ɔ kɛ kpe. A si sinya a kɛ he wami, nɛ a de nɔmoyo ɔ nɛ ji wetsɛ ɔ ke, “Nyumu ɔ nɛ ba o we ɔ mi ɔ, je lɛ ha wɔ nɛ waa kɛ lɛ nɛ hwɔ.”

Manyadali 19:6

Kɛkɛ nɛ nyumu ni enyɔ ɔmɛ hi si nɛ a ye ní, nɛ a nu dã; nɛ yo ɔ tsɛ ɔ de nyumu ɔ ke, “Moo hwɔ hiɛ ɔ gbɔkuɛ nɛ ɔ hulɔ, nɛ o na bua jɔmi.”

Manyadali 19:9

Benɛ nyumu ɔ, kɛ e plã a, kɛ e tsɔlɔ ɔ dla nɛ a maa ho ɔ, e ngatsɛ ɔ de lɛ ke, “Hyɛ, du bu ta; nyɛɛ hwɔ hiɛ ɔ! O nɛ, je jɔ; nyɛɛ hwɔ hiɛ ɔ kɛ yaa si je maa na, nɛ o bua nɛ jɔ o he; konɛ nyɛɛ te si hwɔɔ mɔtu mla, nɛ nyɛ pue nɔ kɛ ho o ma a mi ya.”

Rut Womi 3:6

Lɔ ɔ he ɔ, Rut pue nɔ kɛ ho ngma mi sami he ɔ ya, nɛ e ya pee bɔ nɛ e nganyɛ ɔ de lɛ ɔ pɛpɛɛpɛ.

Rut Womi 3:8

Kɛ yaa nyɔ mi kpɛti ɔ, Boaz hɛli si, nɛ benɛ e plɛ e he ɔ, e pee lɛ nyakpɛ kaa yo ko hwɔɔ si ngɛ lejɛ ɔ.