Rut Womi 3:10 - BAIBLO ALOO NGMAMI KLƆUKLƆU Ɔ

¹⁰ Nɛ Boaz de lɛ ke, “Yawɛ maa gbaa mo, ye bi, kaa o kɛ nɔ́ nɛ o pee nɛ ɔ tsɔɔ weku no kpakpa peemi he okadi pe níhi kulaa nɛ o pee ha o nganyɛ ɔ po, kaa o ya nyɛɛ we nihewi ohiatsɛmɛ, loo niatsɛmɛ a se.

Rut Womi 3:10 ပူးပေါင်းရင်းမြစ်များ

Mose I, 24:31

Laban de lɛ ke, “Ba nɛ waa ho we mi ya, mo nyumu nɛ Yawɛ gbaa mo! Mɛni he je o daa si ngɛ magbɛ nɔ ngɛ hiɛ ɔ? I dla tsu ko mi ha mo ngɛ we ɔ mi. O we afukpɔngɔ ɔmɛ hu blɔ ngɛ kɛ ha mɛ.”

Rut Womi 1:8

Naomi de e nganyɛmɛ enyɔ ɔmɛ ke, “Nyɛɛ kpale nyɛ se nɛ nɔ tsuaa nɔ nɛ ho e nyɛ ngɔ ya. I kpa Yawɛ pɛɛ nɛ e na nyɛ mɔbɔ ngɛ si himi kpakpa nɛ nyɛɛ kɛ mi, kɛ nihi nɛ si wɔ ɔ hi ɔ he.

Rut Womi 2:11

Boaz he nɔ ke, “Níhi nɛ o pee ha o nganyɛ ngɛ o huno gbenɔ se ɔ, a bɔ mi lɛ tsuo pɛpɛɛpɛ; nɛ jehanɛ ɔ, o si o tsɛ kɛ o nyɛ, kɛ o ma kɛ ba je nihi nɛ o li mɛ a kpɛti.

Rut Womi 2:20

Naomi de ke, “Yawɛ nɛ yeɔ e siwo nɔ kɛ haa hɛ kali, kɛ nihi nɛ gbo tsuo ɔ maa gbaa lɛ.” E ya nɔ nɛ e de ke, “Boaz nɛ ɔ, wa weku no pɔtɛɛ ji lɛ, nɛ kusumi nya hu e peeɔ wa nɔ hyɛlɔ.”

Rut Womi 2:4

Saii mi ɔ, Boaz nitsɛ je ma a mi kɛ ba. E ha ní kpali ɔmɛ ayekoo, nɛ mɛ hu a he nɔ ke, “Aayee.”

Rut Womi 3:9

E bi ke, “Mo mɛnɔ?” Nɛ Rut he nɔ ke, “Imi Rut, o mawayo ɔ. Akɛnɛ o weku no yalɔyo ji mi he je ɔ, e ji o blɔ nya kaa o kɛ o bo ɔ haa ye nɔ ngɛ kusumi nya kɛ tsɔɔ kaa o maa ngɔ mi.”

Samuel I, 15:13

Benɛ Samuel ba su Saul ngɔ ɔ, Saul fɔ lɛ nɛ e de lɛ ke, “Yawɛ nɛ e gbaa mo! I ye Yawɛ fami ɔ nɔ.”