Rut Womi 2:7 - BAIBLO ALOO NGMAMI KLƆUKLƆU Ɔ

⁷ E bi ke ma ngmɛ lɛ blɔ nɛ e kukuɔ ngma bibliwi ngɛ ní kpali ɔmɛ a se. E bɔni ní tsumi kɛ je mɔtu kpla nɛ he jɔɔmi be mi, nɛ kpaako e kpa nɛ e yaa jɔɔ e he bɔɔ ngɛ gba a sisi.”

Rut Womi 2:7 ပူးပေါင်းရင်းမြစ်များ

Abɛ Womi 13:4

Hejɔtsɛ ma hla kaa e na nɔ́ ko, se e nine be nɔ sue. Se nɔ nɛ tsuɔ ní lɛɛ nɔ́ tsuaa nɔ́ nɛ e ngɛ hlae ɔ, e naa.

Abɛ Womi 15:33

Yawɛ gbeye yemi ji tsɔsemi nɛ haa nɔ leɔ ní nitsɛnitsɛ. Nɔ nɛ baa e he si ɔ, a maa wo e hɛ mi nyami.

Abɛ Womi 18:23

Ke ohiatsɛ maa tu munyu ɔ, e deɔ ke, “I kpa mo pɛɛ.” Se ke niatsɛ ma ha munyu heto ɔ, e kuɛɔ kɛ woɔ nɔ.

Abɛ Womi 22:29

Anɛ o le nɔ ko nɛ tsuɔ ní saminya lo? Jamɛ a nɔ ɔ, matsɛmɛ nɛ e ma sɔmɔ; pi ni guhi.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Mateo 5:3

“A gbaa nihi nɛ le kaa mumi mi ohiatsɛmɛ ji mɛ, ejakaa a nɔ́ ji hiɔwe matsɛ yemi ɔ nɛ.

Romabi 12:11

Nyɛ ko pee hejɔ, mohu nyɛɛ kɛ hɛdɔ nɛ tsu ní. Nyɛ sɔmɔ Nyɔmtsɛ ɔ kɛ nyɛ tsui tsuo.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Efesobi 5:21

Nyɛɛ ba nyɛ he si ha nyɛ sibi kɛ tsɔɔ kaa nyɛ yeɔ Kristo gbeye.

Rut Womi 2:2

Ligbi ko ɔ, Rut, Moab yo ɔ, de Naomi ke, “Ha ma ya nyɛɛ ngmɔ ɔmɛ a mi nɛ ma ya kukuɔ ngma bibliwi ngɛ ní kpali ɔmɛ a se. Nɔ ko kɛ̃ maa ngmɛ mi blɔ nɛ ma kukuɔ ní ngɛ e se.” Naomi de lɛ ke, “Ye bi, moo ya.”

Rut Womi 2:21

Rut, Moab yo ɔ ya nɔ nɛ e de e nganyɛ ɔ ke, “Nɔ́ kake hu nɛ nyumu ɔ de ji kaa ma hi ní ɔ kukuɔe ngɛ ní tsuli ɔmɛ a se kɛ yaa si a ma kpa e ngma a tsuo gbe nya.”

Rut Womi 2:6

Nyumu ɔ he nɔ ke, “Lɛ ji Moab yo nubwɔ ɔ nɛ e kɛ Naomi je Moab zugba a nɔ kɛ ba a nɛ.

Rut Womi 2:8

Kɛkɛ nɛ Boaz de Rut ke, “Ye bi, o ngɛ tue bue? Ko ya kukuɔ ngma bibliwi ngɛ nɔ kpa ko ngmɔ mi pe hiɛmɛ nɛ ɔ pɛ. Moo nyɛɛ yihewi ní tsuli ɔmɛ a se bɛbɛɛbɛ;