Rut Womi 2:4 - BAIBLO ALOO NGMAMI KLƆUKLƆU Ɔ

⁴ Saii mi ɔ, Boaz nitsɛ je ma a mi kɛ ba. E ha ní kpali ɔmɛ ayekoo, nɛ mɛ hu a he nɔ ke, “Aayee.”

Rut Womi 2:4 ပူးပေါင်းရင်းမြစ်များ

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

Kronika I, 2:51

E bi Salma ji nɔ nɛ to Betlehem ma a sisi. E bi hu ji Haref, nɔ nɛ to Betgader ma a sisi ɔ.

La 118:26

A gbaa nɔ nɛ ma ngɛ Yawɛ biɛ mi ɔ! Wa ngɛ mo gbae kɛ je Yawɛ we ɔ.

La 134:3

Yawɛ, nɔ nɛ pee hiɔwe kɛ zugba a, é gbaa nyɛ kɛ je Zion.

Yeremia 31:23

Yawɛ Tabohiatsɛ, Israel Mawu ɔ ke “Ke i kpale ma a kɛ ba mɛ nitsɛmɛ a zugba a nɔ ekohu ɔ, a ma de ngɛ Yuda zugba a nɔ, kɛ ma amɛ a mi ekohu ke, ‘Yawɛ nɛ gbaa Yerusalem yo klɔuklɔu ɔ, he nɛ lɛ Yawɛ nitsɛ hii ɔ.’

Mose IV, 6:24

Yawɛ nɛ gbaa nyɛ, nɛ e hyɛ nyɛ;

Luka 1:28

Bɔfo ɔ ba e ngɔ, nɛ e ba de lɛ ke, “Mo he manye! Nyɔmtsɛ ɔ kɛ mo ngɛ, nɛ e gbaa mo babauu!”

2 Tesalonikabi 3:16

Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

1 Timoteo 6:2

Nyɔguɛhi nɛ le Kristo, nɛ a nyɔmtsɛmɛ ɔmɛ hu le Kristo ɔ, a ko susu kaa akɛnɛ mɛ tsuo Kristo we bi ji mɛ he je ɔ, e hia we kaa a buɔ a nyɔmtsɛmɛ ɔmɛ tue. Mɛ mohu nɛ e sa kaa a bu a nyɔmtsɛmɛ ɔmɛ, nɛ a sɔmɔ mɛ saminya; ejakaa a nyɔmtsɛmɛ ɔmɛ nɛ naa a he se ɔ, mɛ hu wa nyɛmimɛ Kristo we bi ji mɛ. Tsɔɔ mɛ ní nɛ ɔmɛ, nɛ a tsu he ní bɔ nɛ sa.

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

Manyadali 6:12

Yawɛ bɔfo ɔ je e he si tsɔɔ lɛ, nɛ e de lɛ ke, “Mo nyumu katsɛ, Yawɛ kɛ mo ngɛ!”

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”

Rut Womi 2:3

Kɛkɛ nɛ Rut ho ngma ngmɔ ɔmɛ a mi ya nɛ e ya nyɛɛ ní kpali ɔmɛ a se kɛ kukuɔ bibliwi ɔmɛ. He ní a nya a, e ya je Boaz, nɛ je Elimelek weku ɔ mi ɔ e ngmɔ mi.

Rut Womi 2:5

Boaz bi e tsɔlɔ ɔ nɛ ji ní kpali ɔmɛ a nyatsɛ ɔ ke, “Jije zangmayo nɛ ɔ je?”

Rut Womi 4:11

Ma a mi bi ɔmɛ nɛ ngɛ lejɛ ɔ, kɛ ma nimeli ɔmɛ de ke, “Wa kplɛɛ nɔ, Yawɛ nɛ ha yo nɛ ɔ ba pee kaa Rahel kɛ Lea nɛ a fɔ bimɛ fuu kɛ ha Yakob ɔ. Yawɛ nɛ pee mo niatsɛ ngɛ Efrat, nɛ o biɛ nɛ pɛ ngɛ Betlehem.

Samuel I, 17:37

David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”