Rut Womi 2:3 - BAIBLO ALOO NGMAMI KLƆUKLƆU Ɔ

³ Kɛkɛ nɛ Rut ho ngma ngmɔ ɔmɛ a mi ya nɛ e ya nyɛɛ ní kpali ɔmɛ a se kɛ kukuɔ bibliwi ɔmɛ. He ní a nya a, e ya je Boaz, nɛ je Elimelek weku ɔ mi ɔ e ngmɔ mi.

Rut Womi 2:3 ပူးပေါင်းရင်းမြစ်များ

Samuel II, 1:6

Niheyo ɔ he nɔ ke, “I ya je Gilboa yo ɔ nɔ tlukaa, nɛ i na Saul nɛ e buu si ngɛ e we akplɔ ɔ nɔ. E he nyɛli ɔmɛ a ta zugba lɛ ɔmɛ, kɛ a we okpɔngɔ nɔ hili ɔmɛ su e he haa.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Matsɛmɛ II, 8:5

Benɛ Gehazi ngɛ matsɛ ɔ gbae bɔ nɛ Elisha tle gbogboe ko si ɔ, yo ɔ nɛ e binyumu ɔ gbo nɛ a tle lɛ si ɔ, ba fa kue ha matsɛ ɔ ngɛ e we ɔ, kɛ e zugba a he. Kɛkɛ nɛ Gehazi de ke, “Ye nyɔmtsɛ matsɛ, yo ɔ ji nɛ ɔ nɛ; nɛ e binyumu ɔ nɛ Elisha tle si ɔ hu ji nɛ ɔ nɛ.”

Mateo 10:29

Otoklii enyɔ ɔ, anɛ pi sika nɛ a yeɔ ɔ mi nyafii pe kulaa kake pɛ nɛ a juaa mɛ lo? Se a ti nɔ kake nɔɛ zugba nɛ pi nyɛ Tsɛ ɔ suɔmi nya.

Luka 10:31

Tlukaa a, osɔfo ko hu ya gu jamɛ a blɔ ɔ nɔ kɛ yaa; se benɛ e na nyumu ɔ, e tsɔ e he kɛ be.

2 Tesalonikabi 3:12

Wa ngɛ kikɛmɛ a nimli nɛ ɔmɛ mlaa woe, nɛ wa ngɛ mɛ kɔkɔ bɔe ngɛ Nyɔmtsɛ Yesu Kristo biɛ mi kaa a ba a je mi saminya, nɛ a kɛ a nine nguɛ nyɔngma nɛ tsu ní nɛ a ye.

Rut Womi 2:2

Ligbi ko ɔ, Rut, Moab yo ɔ, de Naomi ke, “Ha ma ya nyɛɛ ngmɔ ɔmɛ a mi nɛ ma ya kukuɔ ngma bibliwi ngɛ ní kpali ɔmɛ a se. Nɔ ko kɛ̃ maa ngmɛ mi blɔ nɛ ma kukuɔ ní ngɛ e se.” Naomi de lɛ ke, “Ye bi, moo ya.”

Rut Womi 2:4

Saii mi ɔ, Boaz nitsɛ je ma a mi kɛ ba. E ha ní kpali ɔmɛ ayekoo, nɛ mɛ hu a he nɔ ke, “Aayee.”