Rut Womi 2:20 - BAIBLO ALOO NGMAMI KLƆUKLƆU Ɔ

²⁰ Naomi de ke, “Yawɛ nɛ yeɔ e siwo nɔ kɛ haa hɛ kali, kɛ nihi nɛ gbo tsuo ɔ maa gbaa lɛ.” E ya nɔ nɛ e de ke, “Boaz nɛ ɔ, wa weku no pɔtɛɛ ji lɛ, nɛ kusumi nya hu e peeɔ wa nɔ hyɛlɔ.”

Rut Womi 2:20 ပူးပေါင်းရင်းမြစ်များ

Samuel II, 2:5

e tsɔ nɛ a kɛ sɛ gbi ya ha mɛ ke, “Yawɛ maa gbaa nyɛ kaa nyɛ je nyɛ suɔmi kpo ngɔ ha Saul, nyɛ nyɔmtsɛ ɔ, nɛ nyɛ pu lɛ!

Abɛ Womi 17:17

Huɛmɛ suɔ a he be tsuaa be, se nyɛmimɛ lɛɛ haomi be mi tete po a si we a sibi.

Mose III, 25:25

Ke e fi Israel fɔfɔɛ ko nɛ e jua e zugba ko ɔ, e nyɛmi tutuutu nɛ yeɔ e ní ɔ nɛ kpɔ zugba a.

Filipibi 4:10

I na bua jɔmi babauu ngɛ Nyɔmtsɛ ɔ mi kaa be saii ji nɛ ɔ nɛ i nui nyɛ he ɔ, jehanɛ lɛɛ nyɛ na he blɔ kɛ ngɛ nyɛ suɔmi kpo jee kɛ tsɔɔ mi ekohu. I tsɔɔ we kaa nyɛ susuu we ye he hu, se he blɔ nɛ nyɛ ya na we kɛ pee nɔ́ ko ha mi.

Hiob 19:25

Ejakaa i le kaa nɔ ko ngɛ hiɔwe nɛ nyagbenyagbe ɔ, e ma ba kpɔ mi.

Samuel II, 9:1

Ligbi ko ɔ, David bi si ke, “Anɛ Saul nina ko piɛ lo? Ke nɔ ko ngɛ ɔ, ma suɔ nɛ ma na lɛ mɔbɔ ngɛ Yonatan he.”

Rut Womi 4:14

Nɛ huza a nɔ yi ɔmɛ de Naomi ke, “Nyɛ ha wa je Yawɛ yi kaa e ha mo bibi mwɔnɛ ɔ nɛ e ba ye o se. Yawɛ nɛ ha nɛ e na biɛ kpakpa ngɛ Israel.

Rut Womi 4:6

Kɛkɛ nɛ Elimelek weku no ɔ de lɛ ke, “Ke ja a lɛɛ i be zugba a kpɔe mɔ; ejakaa ke i pee ja a, imi nitsɛ ye nina a maa je mi dɛ gu. Lɛɛ mo kpɔ zugba a mɔ, ejakaa imi nitsɛ i be suɔe.”

Rut Womi 2:21

Rut, Moab yo ɔ ya nɔ nɛ e de e nganyɛ ɔ ke, “Nɔ́ kake hu nɛ nyumu ɔ de ji kaa ma hi ní ɔ kukuɔe ngɛ ní tsuli ɔmɛ a se kɛ yaa si a ma kpa e ngma a tsuo gbe nya.”

Rut Womi 3:12

E ngɛ mi niinɛ kaa ngɛ kusumi nya a, i ngɛ he blɔ nɛ i ngɔɔ mo nɛ i hyɛɛ o nɔ lɛɛ, se kɛ̃ ɔ nɔ ko pa ngɛ blɔ nya pe imi.

Rut Womi 4:4

nɛ i susu kaa ma wo o tue nɔ. Lɔ ɔ he ɔ, ke o suɔ ɔ, kpɔ ngɛ nihi nɛ hii si ngɛ hiɛmɛ nɛ ɔ a hɛ mi. Se ke o sume ɔ, de mi; ejakaa nɔ ko be he blɔ nɛ e kpɔɔ nɔ́ nɛ ɔ kaa ja mo, nɛ o se loko imi.” Nyumu ɔ de lɛ ke, “Ma kpɔ.”