Rut Womi 2:12 - BAIBLO ALOO NGMAMI KLƆUKLƆU Ɔ

¹² Yawɛ Israel Mawu ɔ, nɔ ngɔ nɛ o ba sa we ngɛ ɔ, lɛ nitsɛ nɛ e wo mo níhi nɛ o pee ɔ kulaa he hiɔ.”

Rut Womi 2:12 ပူးပေါင်းရင်းမြစ်များ

La 17:8

Moo baa ye yi kaa bɔ nɛ nɔ baa lɛ nitsɛ e hɛngmɛ yi ɔ. Ngɔɔ mi kɛ laa ngɛ o pɛli hɔ̃ ɔ sisi,

La 19:11

Ke i ye mlaa amɛ a nɔ ɔ, imi o tsɔlɔ ɔ, i naa nile, kɛ se nami kpahi babauu.

La 36:7

Yawɛ, hyɛ bɔ nɛ o mɔbɔ nami ɔ he jua wa ha! Adesahi tsuo ba saa we ngɛ o pɛli ɔmɛ a sisi.

La 57:1

Mawu, naa mi mɔbɔ oo, naa mi mɔbɔ! Ejakaa o ngɔ lɛ i saa we ngɛ. Ma laa ye he ngɛ o pɛli ɔmɛ a sisi ngɛ hɔ̃ ɔ mi kɛ yaa si hɛ mi kpatami nɛ nya wa nɛ ɔ se maa po.

La 58:11

Bɔ nɛ nimli adesahi ma de ji, “Niinɛ, ni nɛmɛ nɛ peeɔ nɔ́ nɛ da a, a naa hiɔwo kpakpa. Niinɛ, Mawu ngɛ, nɛ e kojoɔ je ɔ tsuo.”

La 61:4

Ha ma hi o we klɔuklɔu ɔ daa. Ma na he jɔmi ngɛ lejɛ ɔ kaa bɔ nɛ lohwe pɛlitsɛ kɛ e pɛli haa e bimɛ a nɔ ɔ.

La 63:7

Be tsuaa be ɔ, mo nɔuu lɛ o piɛɔ ye he; lɔ ɔ he ɔ, ma la kɛ bua jɔmi ngɛ hɔ̃ mi ngɛ o pɛli ɔmɛ a sisi.

La 91:4

E maa bu o he, nɛ o yi ma na wami kaa lohwe pɛlitsɛ bi ngɛ e nyɛ pɛli sisi. Si nɛ e wo ke e maa ye mo anɔkuale ɔ maa pee kaa tsɛ̃i, kɛ dama nɛ ma fa o he.

Abɛ Womi 11:18

Nɔmlɔ yayami ɔ, nɔ́ ko bɔbɔyoo kɛkɛ e naa kɛ jeɔ e yi wu tso ní peemi níhi a mi. Nɔ nɛ peeɔ nɔ́ nɛ da lɛɛ e nine suu hiɔwo kpakpa nɔ kɛ̃.

Abɛ Womi 23:18

Niinɛ, hwɔɔ se o hɛ kɛ nɔ fɔmi ɔ be yaka pee.

Yeremia 31:16

Nyɛɛ jɔɔ ya fomi, nɛ nyɛ tsu vo nyu ɔ ngɛ nyɛ hɛ mi. Níhi tsuo nɛ nyɛ pee kɛ ha nyɛ bimɛ ɔmɛ ɔ, a maa wo he hiɔ; bimɛ ɔmɛ maa je he nyɛli ɔmɛ a zugba a nɔ kɛ ba hiɛmɛ nɛ ɔ ekohu.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Mateo 5:12

Nyɛ nya, nɛ nyɛ na bua jɔmi, ejakaa nyɛ hiɔwo nɛ ngɛ hiɔwe ɔ kle agbo. Gbali nɛ sɛ nyɛ hlami ɔ, kikɛ nɛ ɔ nɔuu a wa mɛ yi mi.

Mateo 6:1

“Ní tsumi kpakpa nɛ sa tsumi ngɛ nyɛ Mawu jami mi ɔ, nyɛɛ hyɛ saminya nɛ nyɛ kó tsu ngɛ ma hɛ mi nɛ nihi ba na nyɛ. Ke nyɛ pee ɔ, lɔ ɔ lɛɛ nyɛ be hiɔwo ko ngɛ nyɛ Tsɛ nɛ ngɛ hiɔwe ɔ ngɔ hu.

Luka 6:35

Dɛbi! Nyɛɛ suɔ nyɛ he nyɛli, nɛ nyɛɛ pee mɛ kpakpa; nyɛɛ pa sika ha nɔ, nɛ nyɛ ko hyɛ blɔ kaa e ma ba wo hiɔ. Kɛkɛ ɔ, nyɛ hiɔwo maa hiɛ, nɛ nyɛ maa pee Hiɔwe No ɔ bimɛ; ejakaa lɛɛ e naa otlumuhi, kɛ yiwutsotsɛmɛ tsuo mɔbɔ.

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

2 Timoteo 1:18

Nyɔmtsɛ ɔ nɛ na lɛ mɔbɔ jamɛ a ligbi ɔ. I heɔ yeɔ kaa bɔ nɛ e sɔmɔ mi saminya ngɛ Efeso ɔ, o hɛ ji nɔ.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Hebribi 11:6

Ke nɔ ko be hemi kɛ yemi ɔ, e be nyɛe maa sa Mawu hɛ mi. Ejakaa e hia kaa nɔ tsuaa nɔ nɛ maa hɛ lɛ kɛ su Mawu he ɔ, e he ye kaa Mawu ngɛ; nɛ nihi nɛ hlaa e se blɔ ɔ, e gbaa mɛ.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

Rut Womi 1:16

Se Rut ha lɛ heto ke, “Mo ko nyɛ ye nɔ doo ke ma si mo; ha nɛ waa ho kɛkɛ. He tsuaa he nɛ o yaa a, ma ya; nɛ he tsuaa he nɛ o maa hi ɔ, lejɛ ɔ ma hi. O je kɛ wɛ maa pee imi hu ye je kɛ wɛ, nɛ o Mawu maa pee ye Mawu.

Rut Womi 2:11

Boaz he nɔ ke, “Níhi nɛ o pee ha o nganyɛ ngɛ o huno gbenɔ se ɔ, a bɔ mi lɛ tsuo pɛpɛɛpɛ; nɛ jehanɛ ɔ, o si o tsɛ kɛ o nyɛ, kɛ o ma kɛ ba je nihi nɛ o li mɛ a kpɛti.

Rut Womi 2:13

Rut he nɔ ke, “I naa mo si, ye nyɔmtsɛ. Hyɛ bɔ nɛ o munyu ngɔngɔɛ ɔmɛ wo mi gɛjɛmi, nɛ ye nɔ gbagba te ha, pohu tsa pi o mawayi ɔmɛ a ti nɔ kake ji mi.”

Rut Womi 4:15

O nganyɛ ɔ suɔ mo, nɛ e he jua wa ha mo pe binyumuwi kpaago. Jehanɛ lɛɛ e ha mo bibi, nɔ nɛ ma ha mo he wami he, nɛ e maa hyɛ o nɔ ngɛ o bwɔmi si.”

Samuel I, 24:19

Ke nɔ ko nine su e he nyɛlɔ nɔ ɔ, anɛ e ngmɛɛɔ e he nɛ e yaa slɔkee lo? Yawɛ nɛ e gbaa mo ngɛ nɔ́ nɛ o pee ha mi mwɔnɛ ɔ he.

Samuel I, 24:20

Jehanɛ lɛɛ i le kaa bɔ tsuaa bɔ nɛ pee ɔ, o ma ba ye matsɛ, nɛ a maa ngɔ Israel matsɛ yemi ɔ kɛ wo o dɛ.