Rut Womi 1:14 - BAIBLO ALOO NGMAMI KLƆUKLƆU Ɔ

¹⁴ Se a wo yana ekohu. Kɛkɛ nɛ Orpa fua e nganyɛ ɔ, nɛ e kɛ lɛ ye sɛ, nɛ e kpale e se; se Rut lɛɛ e mɛtɛ e nganyɛ ɔ he kpɛii nɛ e hi kpɔmi.

Rut Womi 1:14 ပူးပေါင်းရင်းမြစ်များ

Mose I, 31:28

O ha we po nɛ i kɛ ye bibi ɔmɛ, kɛ ye biyi ɔmɛ nɛ ye sɛ. O ye kuasiahi a sane.

Mose I, 31:55

Makɛ mla a, Laban fiɔ e bibimɛ ɔmɛ, kɛ e biyi ɔmɛ a nya he, nɛ e gbaa mɛ, nɛ e kpale e se kɛ ho e ma mi ya.

Samuel II, 19:39

Enɛ ɔ se ɔ, ma a, kɛ matsɛ ɔ tsuo po Yordan pa a. Matsɛ ɔ fiɔ Barzilai nya he, nɛ e gbaa lɛ, nɛ e kɛ lɛ ye sɛ, nɛ Barzilai kpaale kɛ ho lɛ nitsɛ e ma mi ya.

Matsɛmɛ I, 19:20

Kɛkɛ nɛ Elisha je e na amɛ a he, nɛ e tu fo kɛ nyɛɛ Eliya se; nɛ e de lɛ ke, “I kpa mo pɛɛ, ha nɛ i kɛ tsaatsɛ, kɛ maa ya ye sɛ, konɛ ma ba nyɛɛ o se.” Eliya he nɔ ke, “Yoo, moo ya. I tsi we o nya!”

Abɛ Womi 17:17

Huɛmɛ suɔ a he be tsuaa be, se nyɛmimɛ lɛɛ haomi be mi tete po a si we a sibi.

Abɛ Womi 18:24

Huɛ bɔmi komɛ a se kɛ we kulaa. Se huɛmɛ komɛ hu mɛtɛɛ a sibi a he kpɛii pe nyɛmimɛ tete po.

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Zakaria 8:23

Jamɛ a be ɔ, nibwɔhi maa je ma slɔɔtohi a mi kɛ ba Yuda; ni nyɔngma ma ba nu Yuda no kake nɛ a maa pɛtɛ e tade he, nɛ a ma de lɛ ke, ‘Waa kɛ mo maa ya, ejakaa wa nu kaa Mawu kɛ nyɛ ngɛ.’ ”

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Mateo 19:22

Benɛ niheyo ɔ nu nɔ́ nɛ ɔ, e kɛ aywilɛho je lejɛ ɔ; ejakaa e ngɛ ní babauu.

Ni Tsumi 17:34

Se nyumu komɛ he ye. A ti nɔ kake ji Dionisio; ma kpe ngua a nɛ a tsɛɛ Areopago ɔ mi no ji lɛ. Yo ko nɛ a tsɛɛ lɛ Damari, kɛ ni kpa komɛ hu he ye.

Mose V, 10:20

Nyɛɛ bu Yawɛ, nyɛ Mawu ɔ tue, nɛ nyɛ ja lɛ nɔ kake pɛ. Nyɛɛ ye lɛ anɔkuale, nɛ nyɛɛ wo si ngɛ e biɛ mi pɛ.

Mose V, 4:4

Se nyɛ nihi tsuo pɛpɛɛpɛ nɛ nyɛ mɛtɛ Yawɛ, nyɛ Mawu ɔ he ɔ, nyɛ ngɛ wami mi kɛ mwɔɔ.

2 Timoteo 4:10

ejakaa Dema lɛɛ e ya suɔ mwɔnɛmwɔnɛ je nɛ ɔ, nɛ e je ye he kɛ ho Tesalonika ya. Kreske ho Galatia ya, nɛ Tito hu ho Dalmatia ya.

Hebribi 10:39

Nihi nɛ kpaleɔ ngɛ Mawu se, nɛ a hɛ mi kpataa a, pi mɛ ji wɔ. Wɔɔ lɛɛ wa piɛɔ ni nɛmɛ nɛ hɛɛ hemi kɛ yemi ɔ mi ɔ a he, nɛ a he wa yi wami.

Rut Womi 1:13

anɛ enɛ ɔ he je ɔ, nyɛ maa tsi nyɛ he nya nɛ nyɛ be gbae; nɛ nyɛ maa mlɛ kɛ yaa si be nɛ a maa wa lo? Dɛbi, ye bimɛ, nyɛ le kaa nɔ́ nɛ ɔ be mi bae; ejakaa sane nɛ Yawɛ kɛ mi ye ɔ nya wa; se nyɛɛ lɛɛ nyɛ ní peeɔ mi mɔbɔ.”

Rut Womi 1:15

Lɔ ɔ he ɔ, Naomi de lɛ ke, “O nɛ, o hunongua yo ɔ kpale e se kɛ ho e weku li kɛ e mawu ɔmɛ a ngɔ ya. Mo hu, kpale o se nɛ o kɛ lɛ nɛ ho!”

Rut Womi 1:7

Kɛkɛ nɛ a pue nɔ kɛ yaa Yuda. Benɛ a yaa ngɛ blɔ ɔ nɔ ɔ,

Rut Womi 2:11

Boaz he nɔ ke, “Níhi nɛ o pee ha o nganyɛ ngɛ o huno gbenɔ se ɔ, a bɔ mi lɛ tsuo pɛpɛɛpɛ; nɛ jehanɛ ɔ, o si o tsɛ kɛ o nyɛ, kɛ o ma kɛ ba je nihi nɛ o li mɛ a kpɛti.