Romabi 9:7 - BAIBLO ALOO NGMAMI KLƆUKLƆU Ɔ

⁷ Nɛ jehanɛ hu pi Abraham nina tsuo ji Abraham bimɛ. Mohu ɔ, Mawu wo Abraham si ke, “Isak nɔ nɛ o nina maa gu kɛ ba.”

Somi He Ɔ

⁷ nɛ jeha nɛ hu, pi kaa nɛ Abraham nina ji mɛ ɔ he je ɔ, bimɛ ji mɛ tsuo kulaa, se mohu: “Nihi nɛ je Isak mi ɔ, a ma tsɛ mɛ o nina.”

Romabi 9:7 ပူးပေါင်းရင်းမြစ်များ

Mose I, 21:12

Se Mawu de Abraham ke, “Koo hao o he ngɛ jokuɛ nyumuyo ɔ kɛ o nyɔguɛ yo Hagar a he. Pee kaa bɔ nɛ Sara de mo ɔ, ejakaa Isak nɔ lɛ nina nɛ i wo mo si ke ma ha mo ɔ maa gu kɛ ba.

Hebribi 11:18

Mawu de Abraham ke, “O bi Isak lɛ ma ba wo nina ha mo.”

Galatabi 4:23

Bi nɛ e kɛ yo nyɔguɛ ɔ fɔ ɔ, a fɔ lɛ kɛkɛ; se bi nɛ yo odehe ɔ fɔ ɔ, Mawu wo e he si.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Luka 3:8

Ke nyɛ tsake nyɛ tsui niinɛ ɔ, lɛɛ nyɛɛ pee níhi nɛ tsɔɔ kaa nyɛ tsake nyɛ tsui. Nyɛ ko susu kaa ke nyɛ de ke nyɛ nɛ̃ ji Abraham ɔ kɛkɛ tue gblami ko be nyɛ nɔ bae. I ngɛ nyɛ dee ke Mawu ma nyɛ ngɔ tɛ nɛ ɔmɛ kɛ pee Abraham nina!

Yohane 8:33

A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”

Luka 16:30

Niatsɛ ɔ he nɔ ke, ‘Tsaatsɛ Abraham, dɛbi; ye nyɛmimɛ ɔmɛ be mɛ tue bue. Se ke nɔ ko je gbeje kɛ ya a ngɔ ɔ, lɔ ɔ loko a ma tsake a tsui.’

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Galatabi 4:28

Jehanɛ, ye nyɛmimɛ, wɔ lɛ a wo si kaa wa ma ba pee Mawu bimɛ, kaa bɔ nɛ a wo si loko a fɔ Isak ɔ nɛ.