Romabi 9:3 - BAIBLO ALOO NGMAMI KLƆUKLƆU Ɔ

³ ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

Somi He Ɔ

³ Ejakaa i na nɛ jinɛ a je mi ngɛ Kristo he kaa musutsɛ ngɛ ye nyɛmimɛ nɛ ji ye wekuli ngɛ he lo blɔfami ɔmɛ a nane mi,

Romabi 9:3 ပူးပေါင်းရင်းမြစ်များ

Mose II, 32:32

Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Ester 8:6

Ke amanehlu nɛ ɔ ba ma a nɔ, nɛ́ a ma kpata imi nitsɛ ye nyɛmimɛ a hɛ mi ɔ, kɛ ma pee kɛɛ?”

Romabi 11:14

Eko ɔ, gɛjɛmi nɛ i kɛ ngɛ nyɛ he ní tsue ɔ ma ha ye nyɛmimɛ Yuda bi ɔmɛ maa je hunga, nɛ ye he ɔ, Mawu ma he a ti ni komɛ a yi wami.

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Galatabi 1:8

Se ke e maa ba mi kaa wɔ, loo hiɔwe bɔfo ko po ma ba fiɛ sane kpakpa muno ko ha nyɛ ngɛ nɔ́ nɛ wa fiɛ momo ɔ se ɔ, musu tloo lɛ!

1 Korintobi 12:3

I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.

Romabi 11:1

Jehanɛ lɛɛ i ngɛ bie ke anɛ Mawu kua lɛ nitsɛ e ma a lo? Dɛbi! Mawu kua we e ma a. Imi nitsɛ hu Israel no ji mi; Abraham nina ji mi, nɛ i je Benyamin wɛtso ɔ mi.

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Samuel I, 14:44

Saul de lɛ ke, “Yonatan, ja o gbo; ke a gbi mo fii, Mawu kɛ mi nɛ e ye!”

Samuel I, 14:24

Israel bi ɔmɛ na nɔ jamɛ a ligbi ɔ, ejakaa Saul ka kita pue ma a nɔ ke, “Nɔ nɛ li peemi nɛ e maa ye nɔ́ ko loko je maa jɔ, be mi nɛ i na we ma ye he nyɛli ɔmɛ a he lue lolo ɔ, a gbiɛ jamɛatsɛ ɔ.” Lɔ ɔ he ɔ, nɔ ko nɔ ko sɛ e nya nɔ́ ko ligbi ɔ tsuo.

Mose V, 21:23

ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Mose I, 29:14

Laban de ke, “Niinɛ, imi nitsɛ ye nyɛmi tutuutu ji mo!” Yakob hi Laban ngɔ hlami kake.

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Ni Tsumi 22:5

Osɔfo nɔkɔtɔma pe kulaa a, kɛ kpe ngua a tsuo ma nyɛ maa ye mi odase. Mɛ nɔuu lɛ a ha mi womi nɛ ma kɛ ya ha wa nyɛmimɛ Yuda bi nɛ ngɛ Damasko ɔ. Lɔ ɔ he ɔ, jinɛ i yaa lejɛ ɔ, nɛ ma ya nuu nihi nɛ hɛɛ kikɛmɛ a tsɔɔmi nɛ ɔ mi kɛ ba Yerusalem, konɛ a gbla a tue.”

Ni Tsumi 28:21

A de lɛ ke, “Wɔɔ lɛɛ wa na we womi ko kɛ ji Yudea ngɛ o he; nɛ jehanɛ hu, nyɛmimɛ ɔmɛ a ti nɔ ko bɛ hiɛ ɔ ba sɛɛ we o he sane ko, aloo o he munyu yaya ko.

Romabi 1:3

Sane kpakpa a kɔɔ e Bi, wa Nyɔmtsɛ Yesu Kristo he. A fɔ lɛ kaa adesa, nɛ David nina ji lɛ.

Romabi 9:2

I yeɔ tsui, nɛ i yeɔ kɔmɔ hu babauu

Romabi 16:7

I biɔ Androniko kɛ Yunia, ye nyɛmimɛ Yuda bi nɛ a wo i kɛ mɛ tsuo tsu ɔ. A he biɛ saminya ngɛ bɔfo ɔmɛ a kpɛti; nɛ a sɛ ye hlami ngɛ Kristo mi.

Romabi 16:11

I biɔ Herodion, ye nyɛmi Yuda no ɔ, kɛ nyɛmimɛ Kristo we bi nɛ je Narkiso weku ɔ mi ɔ.

Romabi 16:21

Timoteo nɛ i kɛ lɛ ngɛ ní tsumi kake tsue ɔ ke e biɔ nyɛ. Ye nyɛmimɛ Yuda bi, Lukio, Yason, kɛ Sosipatre hu ke a biɔ nyɛ.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

Galatabi 1:9

Wa de enɛ ɔ momo, se i ngɛ mi tie ekohu. I ngɛ dee ke, ke nɔ ko ba fiɛ sane kpakpa muno ko ngɛ nɔ́ nɛ nyɛ he ye momo ɔ se ɔ, jamɛ a nɔ ɔ, musu tloo lɛ!

Efesobi 6:5

Nyɛ nyɔguɛhi, nyɛɛ bu nyɛ je nɛ ɔ mi nyɔmtsɛmɛ ɔmɛ kɛ gbeye yemi kɛ he domi, nɛ nyɛ sɔmɔ mɛ kɛ nyɛ tsui tsuo kaa bɔ nɛ nyɛ peeɔ ha Kristo ɔ;