Romabi 9:27 - BAIBLO ALOO NGMAMI KLƆUKLƆU Ɔ

²⁷ Yesaya hu kpa ngmlaa kɛ de ngɛ Israel he ke, “Ke Israel bi hiɛ kaa wo nya zia tete po ɔ, nihi nɛ piɛ ɔ pɛ a yi wami a ma he.

Somi He Ɔ

²⁷ Se Yesaia kpa ngmlaa ngɛ Israel he ke: “Ke Israelbi ɔmɛ a yibɔ ngɛ kaa wo nya zia a, nihi nɛ piɛ ɔmɛ kɛkɛ a yi wami a ma he.

Romabi 9:27 ပူးပေါင်းရင်းမြစ်များ

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Ezekiel 6:8

“Se kɛ̃ ɔ, ma ha ni komɛ maa piɛ. Nihi nɛ maa tu fo kɛ je gbenɔ nya a,

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Mose I, 22:17

imi hu ma gbaa mo, nɛ ma ha o nina maa hiɛ babauu kaa dodoehi ngɛ hiɔwe, loo wo nya zia. O nina maa ye a he nyɛli a nɔ.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 24:13

Nɔ́ nɛ maa ba je ma amɛ tsuo a nɔ ji nɛ ɔ nɛ. Nɔ́ tsuaa nɔ́ maa ta kaa bɔ nɛ ke a kpa ngmɔ nɔ ní ta, nɛ a kplɔɔ wai yiblii tsuo pɛpɛɛpɛ taa tso ɔmɛ a nɔ nɛ wai yiblii kake po piɛ ɔ.

Yesaya 1:1

Sɛ gbihi nɛ kɔɔ Yuda kɛ Yerusalem a he nɛ a ngma ngɛ womi nɛ ɔ mi. Mawu je nina nɛ ɔmɛ kpo kɛ tsɔɔ Yesaya, Amoz bi ɔ, ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ.

Ezra 9:14

Anɛ wa ma gbo tue ekohu nɛ waa kɛ nihi nɛ peeɔ musu bɔmi ní nɛ ɔmɛ nɛ sɛ gba si himi mi lo? Anɛ o mi mi be la woe wawɛɛ kɛ yaa si o ma kpata wɔ tsuo wa hɛ mi pɛsɛpɛsɛ nɛ nɔ kake po be piɛe lo?

Ezra 9:8

Jehanɛ Yawɛ, wa Mawu, pee se ɔ, o na wɔ mɔbɔ, nɛ wa ti ni komɛ kɛ̃ ngɛ je mi, nɛ o ha wa ba ngɛ o ma klɔuklɔu ɔ mi, konɛ wa hɛ mi nɛ tsɔ wɔ nɛ waa ye wa he kɛ je nyɔguɛ yemi mi.

Yeremia 44:14

Yuda bi nɛ piɛ, nɛ a ho Egipt ya nɛ a ya hi lejɛ ɔ, a ti nɔ ko he be mi jee, nɛ nɔ ko yi be wami nae. Yuda zugba a nɛ a ko suɔ nɛ a ba hi mi ekohu ɔ, a ti nihi bɔɔ kɛkɛ lɛ a maa kpale kɛ ba lejɛ ɔ; pi mɛ tsuo.”

Yoel 2:32

Se nihi tsuo nɛ ma sɔmɔ Yawɛ ɔ, a ma he a yi wami. Kaa bɔ nɛ Yawɛ de to ɔ, ‘Nihi nɛ ngɛ Yerusalem ɔ, a ti ni komɛ a yi ma na wami; mɛ ji ni nɛmɛ nɛ i hla a nɛ.’ ”