Romabi 9:23 - BAIBLO ALOO NGMAMI KLƆUKLƆU Ɔ

²³ E pee enɛ ɔ, konɛ nihi nɛ e na mɛ mɔbɔ ɔ nɛ a le bɔ nɛ e to momo kaa e maa wo a hɛ mi nyami babauu ha.

Somi He Ɔ

²³ nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

Romabi 9:23 ပူးပေါင်းရင်းမြစ်များ

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

2 Timoteo 2:21

Ke nɔ ko tsu e he, nɛ e kpa yayami peemi ɔ, a maa ngɔ lɛ kɛ tsu ní ngɛ be titli ko nɛ a buu mi, ejakaa e tsu e he saminya, nɛ e plɛ pee nyu yɛmi nɔ́ pɔtɛɛ ha Nyɔmtsɛ ɔ. Kɛkɛ ɔ, a ma nyɛ maa ngɔ lɛ kɛ tsu ní tsumi kpakpa tsuaa ní tsumi kpakpa be tsuaa be.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Efesobi 2:7

E pee enɛ ɔ, konɛ e kɛ tsɔɔ yi nɔhi tsuo nɛ maa ba hwɔɔ se ɔ kaa Kristo Yesu he ɔ, e suɔ wɔ saminya, nɛ e dloo wɔ babauu.

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

Luka 1:17

E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Kronika I, 29:18

Yawɛ, wa nɛmɛ Abraham, Isak, kɛ Yakob a Mawu lee, ha nɛ suɔmi nɛ o ma a ngɛ kɛ ha mo ɔ nɛ tsa nɔ; ha nɛ a bu mo tue kɛ ya neneene.

1 Tesalonikabi 5:9

Mawu hla we wɔ kɛ to, nɛ e na wa he abofu. Se mohu, e wo wɔ kɛ to, konɛ e he wa yi wami kɛ gu wa Nyɔmtsɛ Yesu Kristo nɔ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Romabi 8:30

Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.