Romabi 9:22 - BAIBLO ALOO NGMAMI KLƆUKLƆU Ɔ

²² Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

Somi He Ɔ

²² Se ke Mawu suɔ kaa e je e mi mi fumi kpo ngɔ tsɔɔ nɛ e ha a le e he wami ɔ, se kɛ̃ ɔ, e toɔ e tsui si babauu kɛ hɛɛ mi mi la womi nihi nɛ sa hɛ mi kpatami ɔ,

Romabi 9:22 ပူးပေါင်းရင်းမြစ်များ

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

Mose II, 9:16

Se i ha nɛ o ngɛ je mi, bɔ nɛ pee nɛ ma je ye he wami kpo ngɔ tsɔɔ mo, konɛ a wo ye biɛ ta ngɛ je ɔ mi tsuo.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Kɔmɔ Yemi 3:22

kaa Yawɛ suɔmi se pui gblegbleegble; e naa mɔbɔ daa.

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Mose IV, 14:18

‘Imi, Yawɛ, ye mi mi fu we mla, nɛ ye mɔbɔ nami hiɛ babauu; i ngɔɔ tɔmi kɛ yayami ngɔ paa. Se kɛ̃, i ha we nɛ yayami peeli yeɔ a he; mohu i kɛ tsɛmɛ a tɔmihi a he hiɔwo ɔ gblaa bimɛ kɛ bibimɛ a tue hluu kɛ ya siɔ yi nɔ etɛne, kɛ eywiɛne bi a nɔ.’

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Romabi 9:17

Ejakaa ngmami ɔ deɔ ke Mawu de Egipt matsɛ ɔ ke, “I wo mo tsɛ, bɔ nɛ pee nɛ ma je ye he wami kpo ngɔ tsɔɔ mo, konɛ o wo ye biɛ ta ngɛ je ɔ mi tsuo.”

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Romabi 9:21

Wa le kaa buɛ puɛlɔ ngɛ he wami ngɛ zu nɛ e pɔtɔ ɔ nɔ, kaa e kɛ eko puɛɔ buɛ ko nɛ hi kɛ ha ní tsumi pɔtɛɛ ko, nɛ e puɛɔ buɛ kpa hu ngɛ mi kɛ ha ní tsumi gu ko kɛkɛ.

1 Tesalonikabi 2:16

Ma je li tete po a ke wa ko fiɛ ha mɛ, konɛ a ko he a yi wami. Lɔ ɔ he ɔ, yayami ɔ, pe a ngɛ pee kɛ ngɛ nɔ toe babauu daa ligbi. Se jehanɛ lɛɛ Mawu kɛ e mi mi fumi ɔ kple a nɔ!

1 Tesalonikabi 5:9

Mawu hla we wɔ kɛ to, nɛ e na wa he abofu. Se mohu, e wo wɔ kɛ to, konɛ e he wa yi wami kɛ gu wa Nyɔmtsɛ Yesu Kristo nɔ.

2 Timoteo 2:20

Pi sika tsu níhi, kɛ sika hiɔ níhi kɛkɛ nɛ a naa ngɛ we ngua mi, se mohu nyu yɛmi níhi nɛ a gbɔ, kɛ ekomɛ hu nɛ a puɛ hii mi. A kɛ ekomɛ tsuɔ ní pɔtɛɛ komɛ nɛ a buu, nɛ ekpa komɛ lɛɛ a kɛ tsuɔ ní be saisaa.

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

1 Petro 3:20

Nihi nɛ bui Mawu tue be mi nɛ Noa ngɛ e lɛ ɔ kpɛe ɔ a mumihi ji lɔ ɔmɛ nɛ. Jamɛ a be ɔ, Mawu to e tsui si wawɛɛ ha mɛ, bɔ nɛ pee nɛ a tsake a tsui. Nihi bɔɔ nɛ ngɛ lɛ ɔ mi ɔ, mɛɛ lɛɛ Mawu ha we nɛ nyu kpekpemi ɔ nɛ gbe mɛ. A hiɛmi ji kpaanyɔ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.