Romabi 9:21 - BAIBLO ALOO NGMAMI KLƆUKLƆU Ɔ

²¹ Wa le kaa buɛ puɛlɔ ngɛ he wami ngɛ zu nɛ e pɔtɔ ɔ nɔ, kaa e kɛ eko puɛɔ buɛ ko nɛ hi kɛ ha ní tsumi pɔtɛɛ ko, nɛ e puɛɔ buɛ kpa hu ngɛ mi kɛ ha ní tsumi gu ko kɛkɛ.

Somi He Ɔ

²¹ Aloo buɛpuɛlɔ ɔ be he wami ngɛ zu ɔ nɔ, kaa e kɛ zu kake nɛ a pɔtɔ ɔ nɔuu eko maa puɛ nɔ́ ko nɛ hɛ mi ngɛ nyami, nɛ e kɛ eko hu maa puɛ nɔ́ ko nɛ hɛ mi be nyami lo?

Romabi 9:21 ပူးပေါင်းရင်းမြစ်များ

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.

Abɛ Womi 16:4

Nɔ́ tsuaa nɔ́ nɛ Yawɛ pee ɔ, nɔ́ ko he kɛ̃ lɛ e pee ngɛ; yayami peeli tete po, a ngɛ kɛ ha hɛ mi kpatami.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Romabi 9:11

Se bɔ nɛ pee nɛ yi mi nɛ Mawu to kɛ hla nɔ kake ɔ nɛ ba mi ɔ, be nɛ a na we nɛ a fɔ mɛ tete, pohu a na we nɛ a pee nɔ́ kpakpa ko, loo nɔ́ yaya ko ɔ,

Romabi 9:18

Lɔ ɔ he ɔ, nɔ nɛ Mawu suɔ kaa e maa na lɛ mɔbɔ ɔ, e naa lɛ mɔbɔ, nɛ nɔ nɛ e suɔ kaa e wa tue ɔ, e haa e waa tue.

Hosea 8:8

Israel yi ta pɛ! Israel pee kaa buɛ kokoe ngɛ ma amɛ a kpɛti; e he be se nami.

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yesaya 10:15

Se nɔ́ nɛ Yawɛ ngɛ bie ji, “Anɛ gbiɛ ma nyɛ maa fĩa ke e kle pe nɔmlɔ nɛ ngɔ lɛ kɛ ngɛ ní tsue ɔ lo? Anɛ sau ma nyɛ maa wo e he ha nɔ nɛ ngɛ lɛ gblae ɔ lo? Tsa pi dɛma tso nɛ hɛɛɔ nɔmlɔ; nɔmlɔ mohu nɛ hɛɛɔ dɛma tso. To tsɔmi tso ɔ, lɛ nitsɛ e fɔ we e he; nɔ ko nɛ fɔɔ lɛ.”

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”