Romabi 9:19 - BAIBLO ALOO NGMAMI KLƆUKLƆU Ɔ

¹⁹ Nyɛ ti nɔ ko ma bi mi ke, “Mɛni he je Mawu piaa wɔ mɔ? Nɔ́ nɛ e to e yi mi kaa e maa pee ɔ, anɛ nɔ ko ma nyɛ tsi nya lo?”

Somi He Ɔ

¹⁹ Se jeha nɛ o ma bi mi ke: “Mɛni he je Mawu piaa nɔ mɔ?” Ejakaa mɛnɔ ma nyɛ e yi mi tomi ɔ nya maa ku?

Romabi 9:19 ပူးပေါင်းရင်းမြစ်များ

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Kronika II, 20:6

nɛ e fa kue ke, “Yawɛ, wa nɛmɛ a Mawu lee, mo pɛ ji Mawu ngɛ hiɔwe, nɛ o yeɔ je ma amɛ tsuo a nɔ. O kle agbo; o ngɛ he wami, nɛ nɔ ko be nyɛe maa da o hɛ mi.

1 Korintobi 15:35

Se nɔ ko ma bi ke, “Kɛ a maa pee kɛ tle ni gbogboehi si kɛ ba wami mi ekohu kɛɛ? Nɛ mɛni nɔmlɔ tso nɛ a maa hɛɛ?”

1 Korintobi 15:12

Jehanɛ ɔ, akɛnɛ wa sɛ gbi ɔ ji kaa Mawu tle Kristo si kɛ je gbeje ɔ, mɛni he je nyɛ ti ni komɛ deɔ ke a be ni gbogboehi si tlee kɛ ba wami mi ɔ?

Marko 14:21

Nɔmlɔ Bi ɔ ma gbo kaa bɔ nɛ a ngma ngɛ e he ɔ mohu, se musu tloo nɔ nɛ tsɔɔ Nɔmlɔ Bi ɔ se blɔ ɔ! Afani mohu nɛ a na we nɛ a fɔ jamɛ a nɔ ɔ.”

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Hiob 9:19

Ke a ngɛ nɔ nɛ he wa hlae ɔ, lɛ ji nɛ ɔ nɛ. Ke e ba lɛ dami sane yemi hu, mɛnɔ kɛ lɛ maa ba kojomi he ɔ?

Mose I, 50:20

Nyɛɛ lɛɛ nyɛ so kaa nyɛ maa pee mi yayami, se Mawu tsake nyɛ yi mi tomi ɔ kɛ pee nɔ́ kpakpa; bɔ nɛ pee nɛ e kɛ he nihi babauu a yi wami, kaa bɔ nɛ e ba mi mwɔnɛ nɛ ɔ.

Yakobo 1:13

Ke a ka nɔ ko ɔ, e ko de ke Mawu lɛ ka lɛ. Ejakaa nɔ ko be nyɛe maa ka Mawu kaa e maa pee yayami lo. Pohu Mawu nitsɛ kɛ́ nɔ.

Romabi 11:19

Jehanɛ eko ɔ, o ma de ke, “A kplɔ kɔnihi, konɛ a ngɔ mi ngɔ ta tso ɔ he.”

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Yesaya 29:16

A plɛɔ nɔ́ tsuaa nɔ́ yi ngɔ kaa si. Te nɔ́ nɛ he hia pe e nyɛmi nɛ; buɛ puɛlɔ ɔ, loo zu ɔ? Anɛ nɔ́ ko nɛ nɔmlɔ pee ɔ ma nyɛ ma de lɛ ke, “Tsa pi mo nɛ o puɛ mi!” loo e ma nyɛ de lɛ ke, “O li nɔ́ nɛ o ngɛ pee ɔ lo?”

Yakobo 2:18

Se nɔ ko ma de ke, “Moo lɛɛ o hɛɛ hemi kɛ yemi, nɛ imi lɛɛ i tsuɔ ní” Yoo, tsɔɔ mi o hemi kɛ yemi nɛ o tsu we he ní ɔ, nɛ imi hu i kɛ níhi nɛ i tsuɔ ɔ maa tsɔɔ mo kaa i heɔ yeɔ.