Romabi 9:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ he ɔ, nɔ nɛ Mawu suɔ kaa e maa na lɛ mɔbɔ ɔ, e naa lɛ mɔbɔ, nɛ nɔ nɛ e suɔ kaa e wa tue ɔ, e haa e waa tue.

Somi He Ɔ

¹⁸ Lɔ ɔ he je ɔ, nɔ nɛ e suɔ ɔ, e naa lɛ mɔbɔ; nɛ nɔ nɛ e suɔ hu ɔ, e wluaa e tsui.

Romabi 9:18 ပူးပေါင်းရင်းမြစ်များ

Mose II, 10:1

Yawɛ de Mose ke, “Yaa nɛ o ya na Farao ɔ. I kplii e kɛ e tsɔli ɔmɛ a tsui, bɔ nɛ pee nɛ ma pee ye we okadi nɛ ɔmɛ ngɛ a kpɛti,

Mose II, 10:20

Se Yawɛ kplii Farao ɔ tsui ekohu nɛ e ha we nɛ Israel bi ɔmɛ nɛ a ya.

Mose II, 10:27

Se Yawɛ kplii Farao ɔ tsui ekohu, nɛ e ha we nɛ a ya.

Mose II, 11:10

Mose kɛ Aaron pee nyakpɛ ní nɛ ɔmɛ tsuo ngɛ Farao ɔ hɛ mi; se Yawɛ kplii Farao ɔ tsui, nɛ e ha we nɛ Israel bi ɔmɛ nɛ a je zugba a nɔ kɛ ho.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 14:4

Ma kplii Farao ɔ tsui, nɛ e maa fie a se. Nɛ manye nɛ ma ye ngɛ Farao ɔ, kɛ e ta a tsuo a nɔ ɔ ma ha ye hɛ mi maa ba nyami. Jamɛ a be ɔ, Egipt bi ɔmɛ maa le kaa imi ji Yawɛ.” Nɛ Israel bi ɔmɛ pee ja.

Mose II, 4:21

Yawɛ de Mose ke, “Ke o kpale kɛ ya Egipt ɔ, nyakpɛ níhi tsuo kulaa nɛ i ngɔ kɛ wo o dɛ ɔ, hyɛ nɛ o pee lɛ tsuo ngɛ Farao ɔ hɛ mi; se imi lɛɛ ma kplii Farao ɔ tsui, nɛ e be hae nɛ Israel bi ɔmɛ nɛ je.

Mose II, 7:13

Se Farao ɔ kplii e tsui; nɛ kaa bɔ nɛ Yawɛ de ɔ, e bui Mose kɛ Aaron tue.

Mose II, 7:3

Se ma kplii Farao ɔ tsui. Ma pee okadihi, kɛ nyakpɛ níhi babauu ngɛ Egipt zugba a nɔ, se Farao ɔ be nyɛ tue bue.

Mose II, 9:12

Se Yawɛ ha nɛ Farao ɔ kplii e tsui, nɛ kaa bɔ nɛ e de Mose ɔ, Farao ɔ bui mɛ tue fɛɛ.

Mose II, 9:7

Nɛ benɛ Farao ɔ tsɔ nɛ a ya hyɛ ɔ, a na kaa Israel bi ɔmɛ a lohwe kake po gbo we. Se Farao ɔ kplii e tsui, nɛ e ha we nɛ Israel bi ɔmɛ nɛ a ya.

Yesaya 63:17

Yawɛ, mɛni he je o haa nɛ wa tlaa blɔ kɛ jeɔ o blɔ ɔmɛ a nɔ, nɛ wa kpliiɔ wa tsui, konɛ wa ko ye mo gbeye ɔ? Israel ma a, o nɔ, nɛ o tsɔli ji wɔ tsuo. Mo nitsɛ o nihi ji wɔ; lɔ ɔ he ɔ, kpale kɛ ba!

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Yoshua 11:20

Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.