Romabi 9:13 - BAIBLO ALOO NGMAMI KLƆUKLƆU Ɔ

¹³ Ngmami ɔ deɔ ke, “I je suɔmi kpo kɛ tsɔɔ Yakob, se Esau lɛɛ i nyɛ lɛ.”

Somi He Ɔ

¹³ Kaa bɔ nɛ a ngma a ke: “Yakob ɔ, i suɔ lɛ, se Esau ɔ, i nyɛ lɛ” ɔ.

Romabi 9:13 ပူးပေါင်းရင်းမြစ်များ

Mose V, 21:15

“Waa ngɔ lɛ kaa nyumu ko ngɛ yihi enyɔ, nɛ e suɔ nɔ kake saminya, se e sume nɔ kake sane tsɔ, nɛ e kɛ mɛ ni enyɔ ɔmɛ tsuo fɔ binyumuhi, se yo ɔ nɛ e sume lɛ tsɔ ɔ bi ji bi nɔkɔtɔma.

Mose I, 29:33

Lea ba na mi ekohu, nɛ e fɔ binyumu. E wo lɛ biɛ ke Simeon, nɛ e de ke, “Yawɛ nu kaa a sume mi, lɔ ɔ he ɔ, e ha mi binyumu nɛ ɔ hulɔ.”

Mose I, 29:31

Benɛ Yawɛ na kaa Yakob sume Lea kaa bɔ nɛ e suɔ Rahel ɔ, e ha Lea fɔ bimɛ; se Rahel pee yosa.

Yohane 12:25

Nɔ nɛ suɔ e wami ɔ, e wami ɔ maa laa lɛ; se nɔ nɛ ngɔɔ e wami ngɔ haa ngɛ je nɛ ɔ mi ɔ, e maa to e wami ɔ kɛ maa ya neneene.

Luka 14:26

“Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Abɛ Womi 13:24

Nɔ nɛ sume kaa e maa gbla e bi tue ɔ, e sume e bi ɔ. Nɔ nɛ suɔ e bi ɔ, e tsɔseɔ lɛ.

Marko 12:10

Tse nyɛ kane kikɛmɛ a ngmami nɛ ɔ hyɛ? ‘Tɛ ɔ nɛ tsu fiali ɔmɛ bui, nɛ a sake fɔ he ɔ, lɔ ɔ nɔuu lɛ plɛ pee kɔ nya tɛ.