Romabi 8:5 - BAIBLO ALOO NGMAMI KLƆUKLƆU Ɔ

⁵ Nihi nɛ baa a je mi ngɛ he lo nya a, he lo mi níhi a he a susuu. Se nihi nɛ baa a je mi ngɛ mumi ɔ blɔ tsɔɔmi nya a, mumi mi níhi a he a susuu.

Somi He Ɔ

⁵ Ejakaa nihi nɛ hii si ngɛ he lo nya a, he lo nihi a he a susuu, se nihi nɛ hii si ngɛ mumi nya a susuu mumi mi nihi a he.

Romabi 8:5 ပူးပေါင်းရင်းမြစ်များ

Marko 8:33

Se benɛ Yesu plɛ e he nɛ e na e kaseli ɔmɛ ɔ, e ka Petro hɛ mi ke, “Jee ye nɔ kɛ ya se, mo Satan! Ejakaa o susuu we Mawu níhi a he, se nimli a níhi a he mohu o susuɔ!”

Yohane 3:6

Adesa lɛɛ adesa kɛkɛ e fɔɔ, se Mumi Klɔuklɔu lɛɛ e fɔɔ nɔ ehe.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

1 Korintobi 15:48

Nimli adesahi tsuo ngɛ je nɛ ɔ mi ɔ ngɛ kaa Adam, nɔ nɛ a kɛ zu pee ɔ. Se ni nɛmɛ tsuo nɛ heɔ Kristo yeɔ ɔ, mɛɛ a maa hi kaa Kristo, nɔ nɛ je hiɔwe kɛ ba a nɔuu.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

2 Korintobi 10:3

E ngɛ mi kaa wa ngɛ he lo mi mohu, se kɛ̃ ɔ, wa pee we he lo nya ní.

Galatabi 5:17

Ejakaa nɔ́ nɛ nɔmlɔ tso ɔ suɔ ɔ, pi lɔ ɔ nɛ mumi ɔ suɔ; nɛ nɔ́ nɛ mumi ɔ suɔ ɔ, pi lɔ ɔ nɛ nɔmlɔ tso ɔ suɔ. Nɔ́ enyɔ nɛ ɔmɛ kɛ a he yi. Enɛ ɔ tsɔɔ kaa nyɛ be nyɛe maa pee nyɛ nitsɛmɛ nyɛ suɔmi nya ní.

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

2 Petro 2:10

Nimli nɛ ɔmɛ a ti nihi pɔtɛɛ ji ni nɛmɛ nɛ ya nyɛɛɔ he lo mi akɔnɔ yaya se, se Mawu mlaa a lɛɛ a bui. Kikɛmɛ a lakpa tsɔɔli nɛ ɔmɛ a tsui wa; a woɔ a he nɔ, nɛ nibɔ ní kpakpahi nɛ ngɛ hiɔwe po a bui; se mohu a jɛɔ mɛ.