Romabi 8:34 - BAIBLO ALOO NGMAMI KLƆUKLƆU Ɔ

³⁴ Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Somi He Ɔ

³⁴ Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

Romabi 8:34 ပူးပေါင်းရင်းမြစ်များ

Hiob 33:24

Mawu bɔfo ɔ maa na lɛ mɔbɔ. E ma de ke, “Nyɛɛ ngmɛɛ e he; e be gbeje yae! Nɔ́ nɛ a kɛ ma kpɔ lɛ konɛ e ye e he ji nɛ ɔ nɛ.”

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

La 109:31

Ejakaa e yeɔ dɛgutsɛ sane ha lɛ. Nihi nɛ buɔ dɛgutsɛ gbenɔ fɔ ɔ, e jeɔ lɛ kɛ jee a dɛ mi.

La 37:33

Se Yawɛ be dalɔ he ngmɛɛe kɛ wo yayami peelɔ dɛ mi kɔkɔɔkɔ. Ke a ngɔ dalɔ kɛ ba kojomi he hu, Yawɛ be blɔ ngmɛe nɛ a bu lɛ fɔ.

Yesaya 50:8

Nɔ nɛ maa wo mi nguɔ ɔ ngɛ ye kasa nya. Mɛnɔ lɛ e kɛ mi ná a? É ba konɛ waa kpe! Mɛnɔ ji ye he nyɛlɔ ɔ? É hɛ lɛ kɛ ba ye ngɔ.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Yohane 14:19

E piɛ bɔɔ pɛ nɛ je ɔ be mi nae hu; se nyɛɛ lɛɛ nyɛ maa na mi. Nɛ akɛnɛ i ngɛ wami mi ɔ, nyɛ hu nyɛ maa hi wami mi.

Yohane 16:23

“Jamɛ a ligbi ɔ, e be hiae kaa nyɛ bi mi nɔ́ ko hu. I ngɛ nyɛ dee anɔkuale mi ke, nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e maa pee ha nyɛ.

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

Romabi 14:9

Ejakaa Kristo gbo, nɛ e kpale ba wami mi ekohu, konɛ e pee Nyɔmtsɛ kɛ ha ni nɛmɛ nɛ a hɛ ngɛ, kɛ ni nɛmɛ nɛ gbo ɔ tsuo.

Romabi 4:25

Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Romabi 8:27

Mawu nɛ le adesahi tsuo a yi mi ɔ lɛ le nɔ́ nɛ mumi ɔ deɔ, ejakaa pɛɛ nɛ mumi ɔ kpaa ha ní klɔuklɔu ɔmɛ ɔ saa Mawu hɛ mi.

Kolosebi 3:1

A tle nyɛɛ kɛ Kristo tsuo si, lɔ ɔ he ɔ, nyɛ hla níhi nɛ ngɛ hiɔwe, he nɛ Kristo hii si ngɛ Mawu hiɔ nɔ ngɛ ɔ.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.