Romabi 8:30 - BAIBLO ALOO NGMAMI KLƆUKLƆU Ɔ

³⁰ Lɔ ɔ he ɔ, nihi nɛ Mawu hla a, mɛ nɔuu e tsɛ, nihi nɛ e tsɛ ɔ, mɛ nɔuu e wo nguɔ, nɛ nihi nɛ e wo nguɔ ɔ, e wo mɛ nɔuu a hɛ mi nyami.

Somi He Ɔ

³⁰ Nihi nɛ e je ngɔ to ɔ, mɛ nɔuu e tsɛ; nɛ nihi nɛ e tsɛ ɔ, mɛ nɔuu nguɔ e wo; nɛ nihi nɛ e wo nguɔ ɔ, mɛ nɔuu a hɛ mi nyami e wo.

Romabi 8:30 ပူးပေါင်းရင်းမြစ်များ

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Romabi 8:28

Wa le kaa nɔ́ tsuaa nɔ́ mi ɔ, Mawu piɛɔ nihi nɛ suɔ lɛ ɔ a he, konɛ e hi ha mɛ. Nimli nɛ ɔmɛ ɔ, Mawu nitsɛ nɛ to e yi mi, nɛ e tsɛ mɛ.

Efesobi 1:11

Nɔ́ nɛ Mawu suɔ kaa e maa pee, kɛ nɔ́ nɛ e to kaa e ba mi ɔ, lɔ ɔ e peeɔ. Mawu hla wɔ, konɛ wa ba pee lɛ nitsɛ e nihi, nɛ́ waa kɛ Kristo nɛ pee kake. Mawu suɔmi nya ní, kɛ yi mi nɛ e to kɛ je sisije tɔɔ ji nɛ ɔ nɛ.

Hebribi 9:15

Nɔ́ nɛ Kristo tsu nɛ ɔ tsɔɔ kaa lɛ Kristo ɔ ji nɔ nɛ ha Mawu kɛ e ma a so somi he ɔ, konɛ nihi nɛ Mawu tsɛ mɛ ɔ, a nine nɛ su neneene gbosi ní nɛ Mawu wo he si ɔ nɔ. Ejakaa benɛ a kɛ kekleekle somi ɔ ngɛ ní tsue ɔ, nɔ ko ba gbo nɛ e kɛ kpɔ nihi tsuo nɛ pee yayami jamɛ a be ɔ.

Efesobi 1:5

e pee e yi mi momo kaa kɛ gu Yesu Kristo nɔ ɔ, e maa ngɔ wɔ kɛ pee e bimɛ. Nɔ́ nɛ e suɔ, nɛ e to nɛ e maa pee ji nɛ ɔ nɛ.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Yohane 17:22

O wo ye hɛ mi nyami, nɛ i ha mɛ hu a hɛ mi ba nyami ja nɔuu, konɛ a pee kake kaa bɔ nɛ i kɛ mo ngɛ ɔ.

2 Petro 1:10

Lɔ ɔ he ɔ, nyɛmimɛ, nyɛɛ ya nɔ nɛ nyɛɛ bɔ mɔde, konɛ nyɛɛ ma nɔ mi kaa niinɛ, nihi nɛ Mawu tsɛ, nɛ e hla ji nyɛ. Ke nyɛ pee ja a, nyɛ be si gbee ngɛ hemi kɛ yemi ɔ nɛ nyɛ na a mi gblegbleegble.

1 Korintobi 1:9

Mawu, nɔ nɛ kpee nyɛ ke nyɛɛ kɛ e Bi Yesu Kristo, wa Nyɔmtsɛ ɔ ba bɔ huɛ ɔ, anɔkualetsɛ ji lɛ.

1 Tesalonikabi 2:12

Wa wo nyɛ he wami; wa wo nyɛ bua, nɛ wa wo nyɛ ga kaa nyɛɛ ba nyɛ je mi bɔ nɛ sa Mawu hɛ mi. Lɛ nɛ e tsɛ nyɛ ke nyɛɛ ba lɛ nitsɛ e matsɛ yemi ɔ, kɛ e nyami ɔ mi.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

2 Timoteo 2:11

Anɔkuale munyu ji nɛ ɔ nɛ: “Ke waa kɛ lɛ gbo ɔ, waa kɛ lɛ maa hi wami mi hulɔ.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Yesaya 41:9

I ngɔ mo kɛ je je ɔ nyagbe he ɔmɛ kɛ ba; i tsɛ mo kɛ je ma se lokoo, nɛ i de mo ke, ‘Ye tsɔlɔ ji mo.’ I kua we mo, se mohu, i hla mo.

1 Petro 5:10

Se ke nyɛ na amanehlu be bɔɔ se ɔ, Mawu nɛ dlooɔ wɔ níhi tsuo ɔ, lɛ nitsɛ e maa pee nɔ́ tsuaa nɔ́ nɛ he hia ha nyɛ. E maa waje nyɛ; e maa wo nyɛ he wami, nɛ e ma ha nɛ nyɛ ma fi si kaa nyɛ le lɛ daa. Lɛ nɛ e tsɛ nyɛ, konɛ nyɛɛ kɛ lɛ ba hi e hɛ mi nyami nɛ ngɛ kɛ yaa neneene ɔ mi; ejakaa nyɛɛ kɛ Kristo ba pee kake.

Kolosebi 3:4

Kristo ji nyɛ wami. Nɛ ke e ba ekohu ɔ, nyɛɛ kɛ lɛ tsuo maa hi lejɛ ɔ; nɛ a maa wo nyɛɛ kɛ lɛ tsuo nyɛ hɛ mi nyami.

Efesobi 4:4

Nɔmlɔ tso kake kɛ mumi kake lɛ ngɛ. Jã nɔuu kɛ̃ nɔ́ kake too nɔ nyɛ ngɔ nyɛ hɛ ngɔ fɔ, nɛ lɔ ɔ he Mawu tsɛ nyɛ ngɛ ɔ nɛ.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Efesobi 2:6

Mawu tle waa kɛ Kristo si, konɛ waa kɛ lɛ tsuo nɛ ye tsɛ ngɛ hiɔwe ejakaa wa ngɛ e mi.

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Romabi 1:6

Nyɛ nihi nɛ nyɛ ngɛ Roma, nɛ Mawu tsɛ nyɛ nɛ nyɛ ba pee Kristo we bi ɔ, nyɛ hu nyɛ piɛ he.

Romabi 8:21

kaa be ko ma nɛ adebɔ níhi tsuo maa ye a he, nɛ gbenɔ be he wami nae ngɛ a nɔ hu; nɛ a kɛ Mawu bimɛ ɔmɛ maa hi si ngɛ he jɔmi mi, nɛ a maa wo a hɛ mi nyami.

Romabi 11:29

Ejakaa ke Mawu tsɛ nɔ ko nɛ e gbaa lɛ ɔ, e tsakee we e yi mi hu.

1 Korintobi 2:7

Nile nɛ i ngɛ fiɛe ɔ ji nyakpɛ nɔ́ ko nɛ Mawu ngɔ kɛ laa adesa. Loko a bɔ je ɔ, Mawu hla nile nɛ ɔ ngɔ to momo nɛ e kɛ wo wa hɛ mi nyami.

Galatabi 1:6

Nyɛ he pee mi nyakpɛ. Hyɛ kaa e yi be ko kulaa nɛ nɔ nɛ tsɛ nyɛ kɛ gu Kristo dloomi ɔ nɔ ɔ, nyɛ kua lɛ, nɛ nyɛ ya ngɛ sane kpakpa kpa se nyɛɛe.

Galatabi 1:15

Se, mamoo benɛ a na we nɛ a fɔ mi ɔ, jamɛ a be ɔ mi tɔɔ nɛ Mawu gu e dloomi ɔ nɔ nɛ e hla mi. Nɛ benɛ e to e yi mi kaa

Galatabi 5:8

Kikɛmɛ a yi mi tsakemi ɔ, Mawu, nɔ nɛ hla nyɛ ɔ, pi lɛ nɛ pee.

Efesobi 3:11

Blema lokoo nɛ Mawu to e yi mi kaa e ma tsu nɔ́ ko kaa kikɛ nɛ ɔ, nɛ e gu wa Nyɔmtsɛ Kristo Yesu nɔ nɛ e ha nɛ e ba mi.