Romabi 8:3 - BAIBLO ALOO NGMAMI KLƆUKLƆU Ɔ

³ Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Somi He Ɔ

³ Ejakaa nɔ́ nɛ mlaa a nyɛ we nɛ e pee ngɛ gbedemi nɛ he lo ɔ gbede he je ɔ, Mawu tsɔ lɛ nitsɛ e bi ɔ ngɛ su nɛ ngɛ kaa yayami he lo su mi, nɛ ngɛ yayami he hulɔ, konɛ e bu yayami ɔ fɔ ngɛ he lo ɔ mi,

Romabi 8:3 ပူးပေါင်းရင်းမြစ်များ

Mose IV, 21:9

Mose pee akɔblee sinɔ, nɛ e kɛ kpla tso he; nɛ nɔ tsuaa nɔ nɛ sinɔ kɔ lɛ, nɛ e hyɛ akɔblee sinɔ ɔ, e yi na wami niinɛ.

Mose IV, 28:22

Jehanɛ, a ngɔ akpakpo kake kɛ sã yayami pami bɔ, nɛ a kɛ kpata Yawɛ ha ma a.

Marko 15:27

A sɛu awi yeli enyɔ hu ngɔ piɛ e he; nɔ kake ngɛ e hiɔ nɔ, nɛ nɔ kake ngɛ e muɔ nɔ. [

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Romabi 6:6

Wa le enɛ ɔ, kaa a sɛu wa nɔmlɔ tso momo ɔ ngɔ piɛ Kristo he, konɛ nɔmlɔ tso su nɛ haa nɔ peeɔ yayami ɔ hɛ mi nɛ kpata, nɛ wa ko ye nyɔguɛ ha yayami hu.

Romabi 7:18

I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Galatabi 3:21

Anɛ enɛ ɔ tsɔɔ kaa mlaa a, kɛ si nɛ Mawu wo ɔ yɛ lo? Dɛbi! Mlaa a ma nyɛ ha nɔ wami jinɛ nɔ tsuaa nɔ nɛ yeɔ mlaa a nɔ ɔ, Mawu ma dla e kɛ lɛ a kpɛti.

Filipibi 2:7

Mohu ɔ, lɛ nitsɛ e suɔmi nya a, e ngmɛɛ blɔ nya tsuo nɛ e ngɛ ɔ he, nɛ e ba plɛ e he sɔmɔlɔ. E ba pee kaa nɔmlɔ, nɛ e je e he si kaa adesa.

Hebribi 10:12

Se Kristo lɛɛ bɔ kake too e ngɔ e he kɛ sã kɛ je yayami kɛ yaa neneene, nɛ e ya hi si ngɛ Mawu hiɔ nɔ.

Hebribi 10:14

Enɛ ɔ tsɔɔ kaa bɔ kake too ɔ nɛ Kristo ngɔ e he kɛ sã a ha nɛ nihi tsuo nɛ Mawu tsu a he ɔ hi kɛ pi si kɛ yaa neneene.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.