Romabi 8:26 - BAIBLO ALOO NGMAMI KLƆUKLƆU Ɔ

²⁶ Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Somi He Ɔ

²⁶ Ja nɔuu Mumi ɔ hu yeɔ buaa wa gbedemi ɔ; ejakaa bɔ nɛ sa kaa wa ko sɔle kɛ bi nɔ nɛ da a, wa li; se Mumi ɔ nitsɛ kɛ kɔmɔ yemi nɛ a be nyɛe maa kale daa mi haa wɔ.

Romabi 8:26 ပူးပေါင်းရင်းမြစ်များ

Hiob 37:19

Hiob, moo tsɔɔ wɔ nɔ́ nɛ wa ma de Mawu. Wɔɔ lɛɛ wa juɛmi mi wo diblii, nɛ nɔ́ ko be wa nya mi nɛ wa ma de.

La 10:17

Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

La 102:20

konɛ e nu pamitsɛmɛ ɔmɛ a kɛmɛmi ɔ he, nɛ nihi nɛ a bu mɛ gbenɔ fɔ ɔ, e ha nɛ a ye a he.

La 102:5

Daa nɛ ɔ, kɛmɛmi kɛkɛ lɛ i ngɛ kɛmɛe. Enɛ ɔ ha nɛ ye wuhi tsuo je kpo, nɛ i pee kanyakanya.

La 6:3

nɛ imi nɔmlɔ ɔ tsuo i hao. Yawɛ, mɛni be o maa mlɛ kɛ yaa si loko o ma ba he mi?

La 6:9

Yawɛ nu ye kue fami ɔ; Yawɛ maa pee ye hiami ní ɔmɛ ha mi.

La 69:3

I kpa ngmlaa kɛ tsɛ balɔ hluu nɛ pɔ tɔ mi, nɛ ye kuɔ si kpɔ; i hyɛ blɔ hluu kɛ ya si ye hɛngmɛ se gbo.

Kɔmɔ Yemi 3:56

Kue nɛ i fa nɛ o nu ji, ‘I kpa mo pɛɛ nɛ o ba piɛ ye he; koo tsi o tue.’

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mateo 10:20

Ejakaa pi nyɛ nitsɛmɛ nɛ nyɛ maa tu munyu ɔ, se mohu nyɛ Tsɛ ɔ Mumi ɔ nɛ maa tu munyu kɛ gu nyɛ nɔ.

Mateo 20:22

Yesu de bimɛ ɔmɛ ke, “Nyɛ li nɔ́ nɛ nyɛ ngɛ bie ɔ. Amanehlu kplu nɛ i miɔ nɛ ma nu nɛ ɔ, anɛ nyɛ hu nyɛ ma nyɛ maa nu lo?” A he nɔ ke, “Ee, wa ma nyɛ!”

Luka 22:44

E kɛ he hiami sɔle wawɛɛ pe kekle ɔ po, nɛ e he latsa ngɛ tslee kɛ ngɛ si puee kaa muɔloku.]

Yohane 14:16

Kɛkɛ ɔ, ma kpa Tsɛ ɔ pɛɛ, nɛ e ma ha nyɛ Hepiɛlɔ kpa nɛ kɛ nyɛ maa hi si daa.

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Romabi 7:24

Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

2 Korintobi 5:2

Be mi nɛ wa ngɛ bo tsu nɛ ɔ mi ɔ, wa hɛ jaa, nɛ wa faa huu kaa a ngɔ wa tsu nɛ je hiɔwe ɔ ngɔ wo wɔ.

2 Korintobi 5:4

Be mi nɛ wa ngɛ bo tsu nɛ ɔ mi kɛ mwɔɔ ɔ, wa he hiaa wɔ, nɛ wa faa huu. Pi kaa wa suɔ kaa waa ngmɛɛ wa zugba nɛ ɔ nɔ bo tsu ɔ he, se mohu kaa waa ngɔ hiɔwe nɔ́ ɔ hu kɛ ha wa he. Kɛkɛ ɔ, nɔ́ nɛ ngɛ wami ɔ ma tsake nɔ́ nɛ gboɔ ɔ.

Galatabi 4:6

Mawu suɔ kaa e maa tsɔɔ nyɛ kaa e bimɛ ji nyɛ, lɔ ɔ he ɔ, e tsɔ e bi ɔ mumi ɔ kɛ ba wa tsui mi. Kɛkɛ ɔ, wa ma nyɛ ma de anɔkuale mi ke, “Mawu, wa tsɛ ji mo.”

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

Efesobi 6:18

Nyɛɛ sɔle kɛ kpa Mawu pɛɛ kaa bɔ nɛ mumi ɔ maa tsɔɔ nyɛ. Enɛ ɔ he ɔ, nyɛɛ bu mumi ɔ tue, konɛ nyɛ mia nyɛ hɛ mi kɛ kpa pɛɛ ha ni klɔuklɔu ɔmɛ daa.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Hebribi 5:2

Osɔfo nɔkɔtɔma pe kulaa a nitsɛ ɔ, sé ngɛ e he. Lɔ ɔ he ɔ, e taa bua si ha nihi nɛ li nɔ́ ko mi, kɛ nihi nɛ tlaa blɔ ɔ.

Yakobo 4:3

Ke nyɛ kpa pɛɛ hu, nyɛ nine sui nɔ, ejakaa nyɛ yi mi tomi ɔmɛ hí; níhi nɛ ma ha nyɛ bua jɔmi pɛ he pɛɛ nɛ nyɛ kpaa.