Romabi 8:25 - BAIBLO ALOO NGMAMI KLƆUKLƆU Ɔ

²⁵ Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

Somi He Ɔ

²⁵ Se ke nɔ́ nɛ wa nɛ́ ɔ nɔ wa hɛ ngɛ ɔ, lɛɛ wa kɛ tsui si tomi hyɛɛ lɛ blɔ.

Romabi 8:25 ပူးပေါင်းရင်းမြစ်များ

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

2 Tesalonikabi 3:5

Nyɔmtsɛ ɔ nɛ ha nɛ nyɛɛ nu Mawu suɔmi ɔ, kɛ Kristo tsui si tomi ɔ sisi saminya.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Romabi 8:23

Se pi mɛ kɛkɛ, mohu wɔ nitsɛmɛ tete nɛ wa ná mumi ɔ yiblii ɔ, wɔ hu ja nɔuu wa hii kɛmɛmi nɔ wawɛɛ ngɛ wa mi, be mi nɛ wa ngɛ Mawu blɔ hyɛe kaa e pee wɔ e bimɛ kɛ pi si, konɛ wa nɔmlɔ tso ɔ nɛ ye e he kulaa.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Yesaya 26:8

Yawɛ, wa maa pee o suɔmi nya ní, nɛ wa maa ngɔ wa hɛ ngɔ fɔ o nɔ; mo pɛ wa suɔ kɛ wa tsui tsuo.

La 62:1

Mawu pɛ nɔ i ngɔ ye hɛ kɛ fɔ; lɔ ɔ he ɔ, i pee dii kɛ ngɛ lɛ blɔ hyɛe, konɛ e ba he ye yi wami.

Kpojemi 14:12

Enɛ ɔ tsɔɔ kaa e hia kaa ni klɔuklɔu ɔmɛ nɛ yeɔ Mawu mlaa amɛ a nɔ, nɛ a heɔ Yesu yeɔ anɔkuale mi ɔ nɛ a to a tsui si daa.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Hebribi 6:15

Abraham to e tsui si, nɛ e nine su nɔ́ nɛ Mawu ke e ma ha lɛ ɔ nɔ.