Romabi 8:24 - BAIBLO ALOO NGMAMI KLƆUKLƆU Ɔ

²⁴ Wa ngɔ wa hɛ ngɔ fɔ Mawu nɔ, lɔ ɔ he nɛ a he wa yi wami ɔ nɛ. Se ke nɔ́ nɛ wa ngɔ wa hɛ kɛ fɔ nɔ ɔ su wa dɛ momo ɔ, lɛɛ lɔ ɔ pi hɛ kɛ nɔ fɔmi nitsɛ. Nɔ́ nɛ wa nine su nɔ momo ɔ, anɛ wa hyɛɔ blɔ ekohu lo?

Somi He Ɔ

²⁴ Ejakaa hɛ kɛ nɔ fɔmi nya a he wa yi wami ngɛ. Hɛ kɛ nɔ fɔmi nɛ a naa a, e pi hɛ kɛ nɔ fɔmi. Ejakaa mɛnɔ hɛ hii nɔ́ nɛ a naa a nɔ?

Romabi 8:24 ပူးပေါင်းရင်းမြစ်များ

Hebribi 11:1

Hemi kɛ yemi ji níhi nɛ wa ngɛ blɔ hyɛe ɔ a nɔ mi mami. Hemi kɛ yemi tsɔɔ wɔ kaa níhi nɛ wa nɛ́ kɛ wa hɛngmɛ ɔ, a ngɛ niinɛ.

2 Korintobi 5:7

Ejakaa he mi kɛ yemi nya wa baa wa je mi ngɛ, se pi níhi nɛ wa na a he.

2 Korintobi 4:18

Wa ngɔ wa hɛ ngɔ fɔ níhi nɛ a nɛ́ nɔ, se pi níhi nɛ a naa. Ejakaa níhi nɛ a naa a, hii si be bɔɔ ko kɛkɛ; se níhi nɛ a nɛ́ ɔ, hii si kɛ yaa neneene.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Tesalonikabi 5:8

Se wɔɔ lɛɛ piani bimɛ ji wɔ, nɛ e hia kaa wa hɛ mi nɛ ka si. Wa hemi kɛ yemi, kɛ suɔmi ɔ mi nɛ wa kaa dama, nɛ hɛ kɛ nɔ fɔmi kaa a ma he wa yi wami ɔ, lɔ ɔ hu mi nɛ wa kaa dade pɛɛ.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Romabi 5:2

Si himi nɛ wa ngɛ mi amlɔ nɛ ɔ, Mawu dloomi nya nɛ wa na kɛ gu Yesu Kristo nɛ wa heɔ yeɔ ɔ nɔ. Lɔ ɔ he ɔ, wa fĩaa, ejakaa wa nine maa su Mawu hɛ mi nyami ɔ nɔ.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

La 146:5

Nɔ nɛ Yakob Mawu ɔ ji e he piɛlɔ, nɛ e ngɔɔ e hɛ kɛ fɔɔ Yawɛ e Mawu ɔ nɔ ɔ, a gbaa lɛ.

1 Yohane 3:3

Nɔ tsuaa nɔ nɛ ngɛ hɛ kɛ nɔ fɔmi kaa kikɛ nɛ ɔ ngɛ Kristo mi ɔ, peeɔ e he klɔuklɔu kaa bɔ nɛ Kristo hu ngɛ klɔuklɔu ɔ.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Kolosebi 1:5

Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.

1 Korintobi 13:13

Amlɔ nɛ ɔ, ní etɛ nɛ ɔmɛ nɛ ngɛ: hemi kɛ yemi, hɛ kɛ nɔ fɔmi, kɛ suɔmi. Se nɔ́ nɛ pe mɛ tsuo ji suɔmi.

Zakaria 9:12

Nyɛ nihi nɛ a nuu nyɛ nyɔguɛ, jehanɛ lɛɛ nyɛ ngɛ hɛ kɛ nɔ fɔmi. Nyɛɛ kpale kɛ ba nyɛ mɔ ɔ mi. I ngɛ dee jehanɛ ke yayami tsuo nɛ a pee nyɛ ɔ, nyɛ ma na gbaami kɛ bɔ he totoe enyɔ.

Yeremia 17:7

“Se nɔ nɛ ngɔɔ e hɛ kɛ fɔɔ imi Yawɛ ye nɔ ɔ, ma gbaa lɛ.

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

La 33:22

Yawɛ, o suɔmi nɛ be nyagbe ɔ kɛ wɔ nɛ hi si daa; ejakaa wa ngɔ wa hɛ ngɔ fɔ o nɔ.

Abɛ Womi 14:32

Yayami peelɔ ɔ, lɛ nitsɛ e ní yayamihi nɛ ngɔɔ lɛ kɛ woɔ haomi mi. Se nɔmlɔ kpakpa lɛɛ gbenɔ mi tete po e ngɛ hɛ nɔ kami.

Romabi 4:18

Bɔ nɛ Abraham he Mawu ye, nɛ e ngɔ e hɛ ngɔ fɔ e nɔ, pohu jamɛ a be ɔ mi ɔ, hɛ kɛ nɔ fɔmi tsuo ta a, lɔ ɔ nɛ ha e ba pee je mahi babauu a tsɛ kaa bɔ nɛ ngmami ɔ deɔ ke, “Jã o nina hu maa hiɛ” ɔ nɛ.

Romabi 8:20

Yi mi pɔtɛɛ nɛ Mawu to ha níhi nɛ e bɔ ɔ, e ya bɛ mi ja pɛpɛɛpɛ. Pi adebɔ ní ɔmɛ nɛ pee; Mawu nitsɛ blɔ nya tomi ji ja. Se kɛ̃ ɔ, hɛ kɛ nɔ fɔmi ngɛ ha mɛ

Tito 3:7

E pee enɛ ɔ, konɛ wɔ nɛ a wo wɔ nguɔ kɛ gu Yesu Kristo dloomi ɔ nɔ ɔ, neneene wami ɔ nɛ wa ngɔ wa hɛ ngɔ fɔ nɔ ɔ, wa nine nɛ su nɔ.