Romabi 8:23 - BAIBLO ALOO NGMAMI KLƆUKLƆU Ɔ

²³ Se pi mɛ kɛkɛ, mohu wɔ nitsɛmɛ tete nɛ wa ná mumi ɔ yiblii ɔ, wɔ hu ja nɔuu wa hii kɛmɛmi nɔ wawɛɛ ngɛ wa mi, be mi nɛ wa ngɛ Mawu blɔ hyɛe kaa e pee wɔ e bimɛ kɛ pi si, konɛ wa nɔmlɔ tso ɔ nɛ ye e he kulaa.

Somi He Ɔ

²³ Nɛ tsa pi mɛ kɛkɛ, se mohu wɔ nitsɛmɛ tete, wɔ ninɛmɛ nɛ wa na Mumi ɔ kekle yiblii ɔmɛ, wɔ nitsɛmɛ hu wa laa zanue ngɛ wa mi, nɛ wa hyɛɛ bimɛ a plɛmi nɛ ji wa nɔmlɔ tso kpɔmi ɔ blɔ.

Romabi 8:23 ပူးပေါင်းရင်းမြစ်များ

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Efesobi 1:14

Si nɛ Mawu wo e ni ɔmɛ ɔ, mumi ɔ e kɛ ma nɔ mi kaa wa nine maa su nɔ. Nɛ enɛ ɔ woɔ wɔ he wami kaa Mawu ma ha e we bi maa ye a he kulaa. Nyɛ ha wa je e yi kɛ wo e hɛ mi nyami.

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

Tito 2:13

be mi nɛ wa ngɛ gbaami nɛ wa ngɔ wa hɛ fɔ nɔ ɔ blɔ hyɛe ɔ. Jamɛ a be ɔ, wa Mawu kpetekpleenyɛ, kɛ wa kpɔlɔ Yesu Kristo hɛ mi nyami ɔ maa je kpo.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Romabi 7:24

Hyɛ kaa ye ní ngɛ mɔbɔ! Ye nɔmlɔ tso ɔ miɔ nɛ e ma kpata ye hɛ mi. Mɛnɔ ma he ye yi wami kɛ je nɔmlɔ tso nɛ kɛ nɔ yaa gbenɔ mi nɛ ɔ dɛ mi?

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.

Luka 20:36

A maa pee kaa Mawu bɔfohi, nɛ a be gboe hu. A pee Mawu bimɛ, ejakaa a te si kɛ je gbeje.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Luka 21:28

Lɔ ɔ he ɔ, ke ní nɛ ɔmɛ bɔni mi bami ɔ, nyɛɛ te si, nɛ nyɛ wo nyɛ yi nɔ; ejakaa e be kɛe nɛ Mawu ma he nyɛ yi wami.”

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Romabi 5:5

Hɛ kɛ nɔ fɔmi nɛ ɔ ha we nɛ zo gbeɔ wɔ, ejakaa kɛ gu Mumi klɔuklɔu ɔ nɛ Mawu ha wɔ ɔ nɔ ɔ, Mawu ha wa tsui hyi tɔ kɛ e suɔmi ɔ.

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

2 Korintobi 7:5

Benɛ wa ba su Makedonia tete po wa nɔmlɔ tso ɔ na we he jɔmi kulaa; he tsuaa he ɔ, haomi sɔuu. Be mi nɛ ni kpahi kɛ wɔ ngɛ pɛ nɔ daa nɛ ɔ, wɔ nitsɛmɛ hu gbeye sɔuu wa ngɛ yee.

Kronika II, 31:5

Benɛ a fa kikɛ nɛ ɔ pɛ kɛkɛ nɛ Israel bi ɔmɛ kɛ nike ní nɛ ɔmɛ ba babauu nitsɛ: blɛfo kpokploku, wai, oliv nu, hwo, kɛ ngmɔ niba ní kpahi. Jehanɛ, níhi tsuo nɛ ngɛ a dɛ ɔ, a ngɔ a mi dlami nyɔngmanyɔngma mi kakaaka hu kɛ ba.

Romabi 5:3

Wa le kaa dengme nɛ wa ngɛ gboe ɔ be yaka pee. Pi enɛ ɔ kɛkɛ, se ke wa ngɛ nɔ́ nae po, wa naa bua jɔmi, ejakaa wa le kaa nɔ́ nami haa nɛ wa toɔ wa tsui si;

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

1 Korintobi 1:7

Lɔ ɔ he ɔ, be mi nɛ nyɛ ngɛ Nyɔmtsɛ Yesu Kristo bami ɔ blɔ hyɛe nɛ ɔ, mumi mi nike ní ko kulaa be nyɛ hiae.

2 Korintobi 1:22

nɛ e wo wa he so. Lɛ nɛ e ngɔ Mumi Klɔuklɔu ɔ ngɔ wo wa tsui mi kɛ ma níhi tsuo nɛ e wo si ke e ma ha wɔ ɔ a nɔ mi.