Romabi 8:2 - BAIBLO ALOO NGMAMI KLƆUKLƆU Ɔ

² Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Somi He Ɔ

² Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Romabi 8:2 ပူးပေါင်းရင်းမြစ်များ

La 51:12

Ha ma na bua jɔmi ekohu kaa mo ji ye yi wami helɔ; nɛ́ o ha nɛ ma bu mo tue daa.

Ezekiel 1:21

Lɔ ɔ he ɔ, be tsuaa be nɛ hɛ kali ɔmɛ ngɛ nyɛɛe ɔ, nane ɔmɛ hu ngɛ nyɛɛe; nɛ ke a da si ɔ, mɛ tsuo a da si. Ke hɛ kali ɔmɛ wó a he nɔ kɛ je zugba a, kɛkɛ nane ɔmɛ tsuo hu pee ja, ejakaa hɛ kali ɔmɛ a mumi lɛ hɛɛ nane ɔmɛ.

Yohane 4:10

Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Yohane 8:32

Kɛkɛ ɔ, nyɛ maa le anɔkuale ɔ; nɛ anɔkuale ɔ ma ha nyɛ maa ye nyɛ he.”

Yohane 8:36

Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ.

Romabi 16:3

I biɔ Priskila kɛ Akuila, nyɛmimɛ nɛ i kɛ mɛ tsuɔ ní ha Yesu Kristo ɔ.

Romabi 3:27

Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

Romabi 6:14

Nyɛ ko ha nɛ yayami nɛ ye nyɛ nɔ hu; ejakaa mlaa nɛ fiɔ nɔ ɔ, be nyɛ nɔ he wami hu; Mawu dloomi ɔ mohu lɛ hɛɛ nyɛ.

Romabi 6:18

Mawu ha nyɛ ye nyɛ he kaa nihi nɛ kpa yayami peemi, nɛ nyɛ ba bɔni nɔ́ nɛ da peemi.

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Romabi 7:21

Lɔ ɔ he ɔ, nɔ́ ko nɛ i naa nɛ ngɛ ní tsue kaa mlaa ji nɛ ɔ nɛ: ke i to kaa ma pee kpakpa a, kɛkɛ i ya pee yayami mohu.

Romabi 7:23

Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Romabi 7:4

Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

1 Korintobi 15:45

Ngmami ɔ ke, “A bɔ kekleekle Adam ɔ nɔmlɔ hɛngmengmletsɛ,” nɛ nyagbe Adam ɔ ba pee mumi nɛ haa nɔ wami.

2 Korintobi 3:17

Nyɔmtsɛ ɔ ji mumi ɔ nɛ, nɛ he nɛ Nyɔmtsɛ ɔ mumi ɔ ngɛ ɔ, lejɛ ɔ he yemi ngɛ.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

Galatabi 2:19

Ngɛ mlaa a blɔ fa mi ɔ, i plɛ pee nɔ gbogboe, konɛ ma hi wami mi ha Mawu mohu. I kɛ Kristo a sɛu ɔ nɛ.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Kpojemi 11:11

Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he