Romabi 8:1 - BAIBLO ALOO NGMAMI KLƆUKLƆU Ɔ

¹ Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

Somi He Ɔ

¹ Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Romabi 8:1 ပူးပေါင်းရင်းမြစ်များ

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Ezekiel 18:9

Kikɛmɛ a nɔmlɔ nɛ buɔ ye gbi tue, nɛ e bɔɔ mɔde, nɛ e yeɔ ye mlaa amɛ a nɔ pɛpɛɛpɛ ɔ, dalɔ ji lɛ; niinɛ, e yi ma na wami.” Nyɔmtsɛ Yawɛ lɛ de.

Yohane 14:20

Ke jamɛ a be ɔ su ɔ, nyɛ maa le kaa i ngɛ Tsaatsɛ mi, nɛ nyɛ hu nyɛ ngɛ ye mi kaa bɔ nɛ imi hu i ngɛ nyɛ mi ɔ.

Yohane 15:4

Nyɛɛ hi ye mi nɛ imi hu ma hi nyɛ mi. Kaa bɔ nɛ tso kɔni be nyɛe maa wo yiblii ngɛ lɛ nitsɛ e dɛ he, se ja e mɛtɛ wai tso ɔ he ɔ, jã kɛ̃ nyɛ hu ke nyɛ hi ye mi ɔ, nyɛ be yiblii woe.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Romabi 16:3

I biɔ Priskila kɛ Akuila, nyɛmimɛ nɛ i kɛ mɛ tsuɔ ní ha Yesu Kristo ɔ.

Romabi 16:7

I biɔ Androniko kɛ Yunia, ye nyɛmimɛ Yuda bi nɛ a wo i kɛ mɛ tsuo tsu ɔ. A he biɛ saminya ngɛ bɔfo ɔmɛ a kpɛti; nɛ a sɛ ye hlami ngɛ Kristo mi.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 5:16

Jehanɛ ɔ, Mawu nɔke nɔ́ ɔ slo kulaa ngɛ si gbeemi nɛ yayami nɛ Adam pee ɔ kɛ ba a he. Ejakaa nɛ Adam pee yayami ɔ, a kojo lɛ, nɛ a bu lɛ fɔ; se lɔ ɔ se ɔ, yayami babauu nɛ nihi pee ɔ, nɔke nɔ́ ɔ he ɔ, Mawu wo nihi tsuo nguɔ.

Romabi 7:17

Ke jã a, lɛɛ pi imi nitsɛ nɛ i tsuɔ kikɛmɛ a ní nɛ ɔmɛ hu, se mohu yayami su nɛ ngɛ ye mi ɔ lɛ ngɛ ní tsue.

Romabi 7:20

Ke nɔ́ nɛ imi nitsɛ i sume ɔ nɔuu i peeɔ ɔ, lɛɛ pi imi nitsɛ nɛ i ngɛ yayami ɔ pee mɔ, se yayami su nɛ ngɛ ye mi ɔ mohu lɛ haa nɛ i peeɔ yayami ɔ.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

Romabi 8:14

Ejakaa nihi abɔ nɛ Mawu mumi ɔ tsɔɔ mɛ blɔ ɔ, mɛ ji Mawu bimɛ.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Romabi 8:39

hiɔwe lokoo jio, zugba sisi jio, níhi nɛ a bɔ ɔ a mi eko jio, Mawu suɔmi nɛ wa na ngɛ Kristo Yesu, wa Nyɔmtsɛ ɔ mi ɔ, ní nɛ ɔmɛ ekoeko be nyɛe ma gba wɔ kɛ maa je mi.

Romabi 8:4

Mawu pee enɛ ɔ, bɔ nɛ pee nɛ wɔ nihi nɛ wa bɛ wa je mi ngɛ he lo mi ní yayami ɔmɛ a nya, se mohu wa nyɛɛɔ ngɛ mumi ɔ blɔ tsɔɔmi nya a, wa nyɛ waa ye mlaa a nɔ sisiisi.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 15:22

Kaa bɔ nɛ nihi tsuo ngɛ Adam mi gboɔ ɔ, jã nɔuu kɛ̃ a ma tle nihi tsuo si ngɛ Kristo mi.

2 Korintobi 12:2

I le Kristo se nyɛɛlɔ ko nɛ a sa lɛ kɛ ya hiɔwe lokoo ɔ jeha nyɔngma kɛ eywiɛ ji nɛ. E ngɛ nɔmlɔ tso mi jio, e be nɔmlɔ tso mi jio, i li; Mawu lɛ le.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Galatabi 5:16

I ngɛ nyɛ dee ke, nyɛ ha nɛ Mawu mumi ɔ nɛ tsɔɔ nyɛ bɔ nɛ nyɛ maa ba nyɛ je mi ha, konɛ nyɛ ko tsu nɔmlɔ tso ɔ suɔmi nya ní.

Galatabi 5:25

Ke mumi ɔ lɛ haa wɔ wami ɔ, lɛɛ nyɛ ha nɛ e tsɔɔ wɔ blɔ hulɔ.

Efesobi 1:1

Imi Paulo, nɛ Mawu suɔmi nya nɛ i ba pee Kristo Yesu bɔfo ɔ, imi lɛ i ngma womi nɛ ɔ ya ha ni klɔuklɔu ɔmɛ nɛ ngɛ Efeso, nihi nɛ kɛ je be nɛ a ba le Kristo Yesu ɔ, a ngmɛɛ we a hemi kɛ yemi ɔ he kulaa a.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.