Romabi 7:7 - BAIBLO ALOO NGMAMI KLƆUKLƆU Ɔ

⁷ Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

Somi He Ɔ

⁷ Lɛɛ kɛ wa ma de kɛɛ? Anɛ Mlaa a yayami ʼi lo? Dɛbi! Se mohu ke pi Mlaa a he jinɛ i li yayami. Ejakaa jinɛ i li nɔ́ nɛ ji hɛ̃kɔ, ke pi Mlaa a nɛ de ke: “O hɛ ko kɔ nihi a nɔ.”

Romabi 7:7 ပူးပေါင်းရင်းမြစ်များ

Mose I, 3:6

Yo ɔ na kaa tso ɔ ngɛ fɛu; e na kaa tso ɔ yiblii ɔ maa ngɔ, nɛ e ma ha nɛ nɔ maa le ní. Lɔ ɔ he ɔ, e tsɔ eko nɛ e ye, nɛ e ha e huno ɔ hu eko nɛ e ye.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

La 119:96

I na le kaa sé ngɛ nɔ́ tsuaa nɔ́ he, se o mlaa a lɛɛ tɔmi ko kulaa be he.

Mose II, 20:17

“O hɛ ko kɔ o nyɛmi we nɔ; o hɛ ko kɔ o nyɛmi e yo, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.”

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Mateo 5:28

Se imi lɛɛ i ngɛ nyɛ dee ke nɔ tsuaa nɔ nɛ hyɛɛ yo, nɛ e he peeɔ lɛ akɔnɔ ɔ, e kɛ lɛ puɛ gba momo ngɛ e tsui mi.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 20:16

E ma ba kpata jamɛ a apaa yeli ɔmɛ a hɛ mi, nɛ e maa ngɔ wai ngmɔ ɔ kɛ ha ni kpahi.” Benɛ ni ɔmɛ nu munyu nɛ ɔ, a de ke, “Kpaoo, e ko ba mi ja!”

Ni Tsumi 20:33

Ye hɛ kɔɛ nyɛ ti nɔ ko sika hiɔ, loo sika tsu, loo tade nɔ.

Romabi 13:9

Mlaa a nɛ deɔ ke, “Koo bɔ ajuama; koo gbe nɔmlɔ; koo ju; o hɛ ko kɔ̃ nɔ́ ko nɔ,” kɛ ekpa komɛ nɛ piɛ he ɔ, lɛ tsuo kpiti pomi ji nɔ́ nɛ deɔ ke, “Suɔ o nyɛmi nɔmlɔ kaa bɔ nɛ o suɔ mo nitsɛ o he” ɔ nɛ.

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Romabi 3:5

Se ke nɔ́ nɛ dɛ nɛ wa peeɔ ɔ, haa nɛ a naa paa kaa nɔ́ nɛ da pɛ Mawu peeɔ ɔ, lɛɛ kɛ wa ma de kɛɛ? Anɛ ke Mawu kɛ mi mi fumi gbla wa tue ɔ, e tɔ lo? (Bɔ nɛ i bi nɛ ɔ, ja kɛkɛ adesa tuɔ munyu.)

Romabi 4:1

Wa tsɛ Abraham ɔ, kɛ wa ma de ngɛ e he kɛɛ? Kɛ e wami si himi mi sane ngɛ kɛɛ?

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 6:15

Lɛɛ kɛ ji lɛ kɛɛ? Ke mlaa ko fí wɔ, se Mawu dloomi ɔ lɛ hɛɛ wɔ ɔ, lɛɛ waa ya nɔ waa pee yayami lo? Dɛbi!

Romabi 7:11

Yayami ná he blɔ, nɛ e gu mlaa nɔ kɛ sisi mi, nɛ e gbe mi.

Romabi 7:13

Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.

Romabi 7:5

Ejakaa be nɛ wa hi si ngɛ he lo nya a, waa kɛ wa nɔmlɔ tso ɔ tsu akɔnɔ ní yayamihi nɛ mlaa a tleɔ si ngɛ wa mi ɔ, nɛ waa kɛ wo yiblii ha gbenɔ.

Romabi 7:8

Se mlaa a nɛ a wo ɔ na he blɔ gu yayami nɔ nɛ e kɛ tle akɔnɔ ní yayamihi si ngɛ ye mi. Ejakaa ke mlaa a be ɔ, yayami hu gbo.

1 Korintobi 15:56

Gbenɔ kɛɛ ɔ ji yayami, nɛ yayami he wami ɔ ji mlaa a.

Efesobi 5:3

Akɛnɛ ní klɔuklɔuhi ji nyɛ he je ɔ, e sɛ kaa a woɔ yo kɛ nyumu yakayaka fiɛmi, loo mu ní tsumi, loo hɛkɔ ta tete ngɛ nyɛ kpɛti.

Mose V, 5:21

“ ‘O hɛ ko kɔ̃ o nyɛmi e yo nɔ; o hɛ ko kɔ̃ o nyɛmi e we, aloo e zugba, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.’

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

1 Tesalonikabi 4:5

Nyɛ ko di akɔnɔ se kaa bɔ nɛ nihi nɛ li Mawu ɔ peeɔ ɔ.

Hebribi 7:19

Ejakaa Mose mlaa a nyɛ we nɛ e pee nɔ́ ko nɛ hi kɛ pi si. Se nɔ́ nɛ wa ngɔ wa hɛ kɛ fɔ nɔ jehanɛ ɔ hi saminya; nɛ wa nyɛɔ wa hɛɛ kɛ suu Mawu he.

Yoshua 7:21

i na Babilonia bo kpakpa ko, kɛ sika hiɔ kilo enyɔ, kɛ sika tsu kpɔ kake nɛ ngmɛɛ kilo fa ngɛ ta yibu ní ɔmɛ a mi; ye hɛ kɔ ní ɔmɛ a nɔ, nɛ i muɔ mɛ. I pu mɛ ngɛ ye bo tsu ɔ mi, nɛ sika hiɔ ɔ ngɛ ní ɔmɛ a sisi.”