Romabi 7:4 - BAIBLO ALOO NGMAMI KLƆUKLƆU Ɔ

⁴ Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

Somi He Ɔ

⁴ Mamimɛ, ja nɔuu nyɛ hu a kɛ Kristo nɔmlɔ tso ɔ gbe nyɛ ngɔ ha Mlaa a, konɛ nyɛ plɛ nɔ kpa na ji nɔ nɛ a tle lɛ si kɛ je gbeje ɔ nihi, konɛ waa wo yiblii ha Mawu.

Romabi 7:4 ပူးပေါင်းရင်းမြစ်များ

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

Yesaya 62:5

Kaa bɔ nɛ niheyo kpeɔ yomiyo ayɛflo ɔ, ja nɔ nɛ bɔ mo ɔ maa ngɔ mo hulɔ. Bɔ nɛ ayɛflo huno nyaa ayɛflo he ɔ, ja o Mawu ɔ bua maa jɔ o he.

Mateo 26:26

Benɛ a ngɛ ní ɔ yee ɔ, Yesu kɛ̃ abolo nɛ e gbaa nɔ, nɛ e ku mi, nɛ e ngɔ ha e kaseli ɔmɛ, nɛ e ke, “Nyɛ he nɛ nyɛɛ ye! Enɛ ɔ ji ye nɔmlɔ tso ɔ nɛ.”

Marko 4:20

Se ni kpa komɛ ngɛ kaa wuhi nɛ ya nɔ zu kpakpa nɔ. Mɛɛ lɛɛ ke a nu munyu ɔ, a pɛtɛɛ he, nɛ a woɔ yiblii, eko nyingmi etɛ, eko nyingmi ekpa, kɛ eko lafa.”

Yohane 15:8

Yiblii babauu nɛ nyɛ woɔ ɔ, nyɛɛ kɛ woɔ Tsaatsɛ hɛ mi nyami, nɛ nyɛ peeɔ ye kaseli.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Romabi 6:11

Ja nɔuu nyɛɛ bu nyɛ he kaa nihi nɛ gbo ngɛ yayami peemi blɔ fa mi; se ngɛ Yesu Kristo mi ɔ, Mawu ha nɛ nyɛ hɛ ngɛ.

Romabi 6:14

Nyɛ ko ha nɛ yayami nɛ ye nyɛ nɔ hu; ejakaa mlaa nɛ fiɔ nɔ ɔ, be nyɛ nɔ he wami hu; Mawu dloomi ɔ mohu lɛ hɛɛ nyɛ.

Romabi 6:2

Dɛbi! Wa ngɛ kaa nihi nɛ gbo, nɛ yayami be a nɔ he wami hu. Mɛni he je mɔ nɛ wa maa hi yayami pee kɛ mwɔɔ ɔ?

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Romabi 7:3

Lɔ ɔ he ɔ, ke e huno ɔ ngɛ je mi kɛ mwɔɔ, nɛ e ya gba nɔ kpa a, e puɛ gba. Se ke e huno ɔ gbo ɔ, lɛɛ mlaa fi we lɛ; nɛ ke e ya gba nyumu kpa a, e puɛ we gba.

Romabi 7:6

Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

1 Korintobi 10:16

Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Galatabi 5:18

Se ke mumi ɔ lɛ tsɔɔ nyɛ blɔ ɔ, lɛɛ mlaa a yi nyɛ nɔ hu.

Efesobi 2:15

Kristo gbo nɛ e kɛ po Yuda bi a mlaa a, kɛ a kɔ ɔmɛ a mi, nɛ e pee Yuda bi ɔmɛ, kɛ ma je li ɔmɛ kake ngɛ lɛ nitsɛ e mi; nɛ enɛ ɔ kɛ he jɔmi ba.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Kolosebi 1:22

Se amlɔ nɛ ɔ, kɛ gu e Bi ɔ nɛ ba ngɛ he lo mi ɔ gbenɔ ɔ nɔ ɔ, e kɛ nyɛ ba kpata. E pee enɛ ɔ, bɔ nɛ pee nɛ nyɛɛ pee klɔuklɔu, nɛ piami, loo sé ko kó hi nyɛ he ngɛ e hɛ mi.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Kolosebi 2:14

Wa he níhi nɛ a ngma kɛ si wɔ, kɛ nihi nɛ sa wɔ ngɛ mlaa a nya a, e gbe lɛ tsuo. E je nɔ́ nɛ ɔ se; ee, e ka ngɔ mɛtɛ sɛumi tso ɔ he.

Kolosebi 2:20

Nɛ Kristo gbo ɔ, nyɛ hu nyɛ gbo, nɛ a kpɔ nyɛ kɛ je mumihi nɛ yeɔ je ɔ nɔ ɔ a dɛ mi. Mɛni he je mɔ nɛ nyɛ peeɔ nyɛ ní kaa nɔ́ nɛ nyɛɛ kɛ je ɔ ngɛ bɔe kɛ mwɔɔ ɔ? Mɛni he je nyɛ haa a pa woɔ nyɛ mlaa ke,

Hebribi 10:10

Yesu Kristo pee Mawu suɔmi nya ní; e ngɔ e nɔmlɔ tso ɔ kɛ sã bɔ si kake too nyɔngloo, nɛ e kɛ je wɔ tsuo wa he yayami.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Kpojemi 19:7

Nyɛ ha nɛ wa bua nɛ jɔ, nɛ wa nya! Nyɛ ha nɛ wa je e yi, ejakaa e kle! Ejakaa be ɔ su nɛ To bi ɔ maa kpee yo, nɛ ayɛflo ɔ dla e he ngɔ to.

Kpojemi 21:9

Jehanɛ ɔ, bɔfo kpaago ɔmɛ nɛ hɛɛ kplu kpaago ɔmɛ nɛ nyagbe haomi kpaago ɔmɛ hyi mɛ tɔtɔɔtɔ ɔ, a ti nɔ kake ba ye ngɔ, nɛ e ba de mi ke, “Ba nɛ ma tsɔɔ mo ayɛflo ɔ nɛ ji To bi ɔ yo ɔ.”