Romabi 7:23 - BAIBLO ALOO NGMAMI KLƆUKLƆU Ɔ

²³ Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Somi He Ɔ

²³ Se i naa mlaa muno ko ngɛ ye nɔmlɔ tso he ni ɔmɛ a mi nɛ kɛ ye juɛmi mlaa a hwuɔ ta, nɛ e ngɔɔ mi nyɔguɛ ngɔ haa yayami mlaa a nɛ ngɛ ye nɔmlɔ tso he ni ɔmɛ a mi ɔ.

Romabi 7:23 ပူးပေါင်းရင်းမြစ်များ

La 142:7

Ye yi fi; ejakaa a he wa pe mi. Je mi, konɛ ma na mo si ngɛ nihi nɛ peeɔ nɔ́ nɛ da a hɛ mi; ejakaa kpakpa nitsɛnitsɛ o maa pee mi ɔ nɛ.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Romabi 6:19

I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

Romabi 7:14

Wa le kaa mlaa a mumi mi nɔ, se imi lɛɛ nɔmlɔ adesa kɛkɛ ji mi, nɛ yayami he mi nyɔguɛ.

Romabi 7:21

Lɔ ɔ he ɔ, nɔ́ ko nɛ i naa nɛ ngɛ ní tsue kaa mlaa ji nɛ ɔ nɛ: ke i to kaa ma pee kpakpa a, kɛkɛ i ya pee yayami mohu.

Romabi 7:25

Sina ha Mawu kaa e he wa yi wami kɛ gu wa Nyɔmtsɛ Yesu Kristo nɔ! Ke ma po lɛ kpiti ɔ, bɔ nɛ i ngɛ ji nɛ ɔ nɛ: i kɛ ye juɛmi pɛ lɛ sɔmɔɔ ngɛ Mawu mlaa a nya, se ye he lo ɔ lɛɛ mlaa a nɛ haa nɔ peeɔ yayami ɔ lɛ yeɔ e nɔ.

Romabi 7:5

Ejakaa be nɛ wa hi si ngɛ he lo nya a, waa kɛ wa nɔmlɔ tso ɔ tsu akɔnɔ ní yayamihi nɛ mlaa a tleɔ si ngɛ wa mi ɔ, nɛ waa kɛ wo yiblii ha gbenɔ.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Galatabi 5:17

Ejakaa nɔ́ nɛ nɔmlɔ tso ɔ suɔ ɔ, pi lɔ ɔ nɛ mumi ɔ suɔ; nɛ nɔ́ nɛ mumi ɔ suɔ ɔ, pi lɔ ɔ nɛ nɔmlɔ tso ɔ suɔ. Nɔ́ enyɔ nɛ ɔmɛ kɛ a he yi. Enɛ ɔ tsɔɔ kaa nyɛ be nyɛe maa pee nyɛ nitsɛmɛ nyɛ suɔmi nya ní.

Hebribi 12:4

Ta nɛ nyɛɛ kɛ yayami ngɛ hwue nɛ ɔ, nyɛ sui he nɛ a ma de ke a ma pue nyɛ muɔ si ngɛ ɔ lolo.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

Yakobo 4:1

Ta kɛ pɛ nɛ ngɛ nyɛ kpɛti ɔ, mɛni kɛ ní nɛ ɔmɛ baa? Anɛ pi nyɛ he lo mi akɔnɔ nɛ ngɛ ní tsue ngɛ nyɛ mi lo?

1 Petro 2:11

Nyɛmimɛ nɛ i suɔ! I ngɔ sane nɛ ɔ kɛ ngɛ nyɛ hɛ mi fɔe kaa nibwɔhi, kɛ blɔ hiali ngɛ je nɛ ɔ mi. Nyɛ ko ya di he lo mi níhi a se, ejakaa a kɛ nyɛ klaa ngɛ ta hwue daa.