Romabi 7:2 - BAIBLO ALOO NGMAMI KLƆUKLƆU Ɔ

² Waa ngɔ gba si himi kaa nɔ hyɛmi nɔ́; yogbayo ɔ, mlaa fiɔ lɛ kɛ mɛtɛɛ e huno he be mi nɛ nyumu ɔ ngɛ je mi; se ke nyumu ɔ gbo ɔ, gba sihi mi mlaa ko be nɛ fiɔ yo ɔ kɛ mɛtɛɔ nyumu ɔ he hu.

Somi He Ɔ

² Ejakaa yo nɛ ngɛ huno ɔ, mlaa fi lɛ ngɔ mɛtɛ e huno nɛ hɛ ngɛ ɔ he; se ke e huno ɔ gbo ɔ, e kɛ e huno ɔ mlaa a be sane ko hu.

Romabi 7:2 ပူးပေါင်းရင်းမြစ်များ

Romabi 7:3

Lɔ ɔ he ɔ, ke e huno ɔ ngɛ je mi kɛ mwɔɔ, nɛ e ya gba nɔ kpa a, e puɛ gba. Se ke e huno ɔ gbo ɔ, lɛɛ mlaa fi we lɛ; nɛ ke e ya gba nyumu kpa a, e puɛ we gba.

Romabi 7:6

Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.

1 Korintobi 7:39

Yogbayo ɔ, be abɔ nɛ e huno ngɛ je mi kɛ mwɔɔ ɔ, mlaa fi lɛ. Ke e huno ɔ gbo ɔ, lɔ ɔ lɛɛ e ngɛ he blɔ nɛ e gbaa nɔ tsuaa nɔ nɛ e suɔ. Se kɛ̃ ɔ, e sa kaa nyumu ɔ nɛ pee nɔ ko nɛ le Nyɔmtsɛ ɔ.

1 Korintobi 7:4

Yogbayo be he wami ngɛ lɛ nitsɛ e nɔmlɔ tso nɔ; e huno lɛ ngɛ jamɛ a he wami ɔ. Jã kɛ̃ huno hu be he wami ngɛ lɛ nitsɛ e nɔmlɔ tso nɔ; e yo lɛ ngɛ jamɛ a he wami ɔ.