Romabi 7:13 - BAIBLO ALOO NGMAMI KLƆUKLƆU Ɔ

¹³ Lɛɛ nɔ́ kpakpa a plɛ pee gbenɔ ha mi lo? Dɛbi! Yayami lɛ kɛ enɛ ɔ ba; e gu nɔ́ kpakpa a nɔ ha gbenɔ ba na mi, konɛ bɔ nɛ yayami su ngɛ nitsɛnitsɛ ɔ nɛ je kpo paa nɛ a na. Lɔ ɔ he ɔ, mlaa a haa yayami jeɔ kpo paa kaa nɔ́ ko nɛ hí kulaa.

Somi He Ɔ

¹³ Lɛɛ nɔ́ kpakpa a plɛ gbenɔ ha mi lo? Dɛbi! Se mohu bene pee nɛ yayami ɔ nɛ je si kaa yayami he ɔ, e kɛ nɔ́ kpakpa a nɔuu tsɛ gbenɔ ngɔ ha mi, konɛ yayami ɔ nɛ gu kita a nɔ nɛ e plɛ yayami nɛ be nɔ.

Romabi 7:13 ပူးပေါင်းရင်းမြစ်များ

Mateo 28:8

Lɔ ɔ he ɔ, a je yɔkɔ ɔ he esɔesɔ kɛ gbeye, kɛ bua jɔmi babauu; nɛ a tu fo kɛ ho, konɛ a ya sɛɛ ha Yesu kaseli ɔmɛ.

Luka 20:16

E ma ba kpata jamɛ a apaa yeli ɔmɛ a hɛ mi, nɛ e maa ngɔ wai ngmɔ ɔ kɛ ha ni kpahi.” Benɛ ni ɔmɛ nu munyu nɛ ɔ, a de ke, “Kpaoo, e ko ba mi ja!”

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Galatabi 3:21

Anɛ enɛ ɔ tsɔɔ kaa mlaa a, kɛ si nɛ Mawu wo ɔ yɛ lo? Dɛbi! Mlaa a ma nyɛ ha nɔ wami jinɛ nɔ tsuaa nɔ nɛ yeɔ mlaa a nɔ ɔ, Mawu ma dla e kɛ lɛ a kpɛti.