Romabi 7:12 - BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, mlaa a ngɛ klɔuklɔu, kita a hu ngɛ klɔuklɔu; e da, nɛ e hi hulɔ.

Somi He Ɔ

¹² Lɔ ɔ he ɔ, Mlaa a ngɛ klɔuklɔu, nɛ Kita a hu ngɛ klɔuklɔu nɛ e da nɛ e hi.

Romabi 7:12 ပူးပေါင်းရင်းမြစ်များ

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

La 119:127

Imi lɛɛ i suɔ o mlaa amɛ pe sika tsu, ee, pe sika tsu ngmingmiingmi.

La 119:137

Yawɛ, dalɔ ji mo, nɛ o mlaa amɛ hu da pɛpɛɛpɛ!

La 119:140

Ke o wo si ɔ, o yeɔ nɔ sisiisi; lɔ ɔ he ɔ, imi, o tsɔlɔ ɔ, i suɔ o siwo ɔ tsɔ!

La 119:172

Ma la o mlaa a he la; ejakaa o mlaa amɛ tsuo da saminya.

La 119:38

Si nɛ o wo nihi nɛ buɔ mo tue ɔ, ha nɛ e ba mi ha imi, o tsɔlɔ ɔ hulɔ.

La 119:86

A ngɛ lakpa toe kɛ ngɛ mi yi mi wae gu. Se o mlaa amɛ maa si kpɛii, lɔ ɔ he ɔ, ba he mi!

Romabi 12:2

Nyɛ ko ba nyɛ je mi kaa je mi bi ɔmɛ hu; se mohu nyɛ ha Mawu nɛ tsake nyɛ juɛmi, konɛ nyɛ yɔse níhi nɛ ji Mawu suɔmi nya ní kpakpahi nɛ sa e hɛ mi saminya, nɛ hi kɛ pi si ɔ.

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Romabi 7:14

Wa le kaa mlaa a mumi mi nɔ, se imi lɛɛ nɔmlɔ adesa kɛkɛ ji mi, nɛ yayami he mi nyɔguɛ.

Romabi 7:16

Ke nɔ́ nɛ i sume ɔ nɔuu mohu i peeɔ ɔ, lɛɛ e tsɔɔ kaa imi hu i kplɛɛ kaa mlaa a hi.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

1 Timoteo 1:8

Mose mlaa a, wɔ tsuo wa le kaa e hi; se e sa kaa a ye nɔ bɔ nɛ sa.