Romabi 7:10 - BAIBLO ALOO NGMAMI KLƆUKLƆU Ɔ

¹⁰ Mlaa a nɛ jinɛ e sa kaa e ko ngɔ wami kɛ ba a, e ba pee gbenɔ mohu ha mi.

Somi He Ɔ

¹⁰ Se imi lɛɛ i gbo, nɛ i na kaa kita a nɛ a kɛ ha mi ngɛ wami he ɔ, kɔlɔ ɔ nɔuu lɛ tsɛ gbenɔ ngɔ ha mi.

Romabi 7:10 ပူးပေါင်းရင်းမြစ်များ

Ezekiel 20:11

I wo mɛ mlaahi, nɛ i tsɔɔ mɛ blɔ nya tomihi nɛ ke a ye nɔ ɔ, a yi ma na wami.

Ezekiel 20:13

Se Israel ma a tsɔ ye hɛ mi atuã ngɛ nga a nɔ. A yi ye mlaa amɛ, kɛ blɔ nya tomi ɔmɛ a nɔ; a bui mɛ kaa níhi nɛ ke nɔmlɔ ye a nɔ ɔ, e yi ma na wami. A ble ye Hejɔɔmi ligbi ɔmɛ hu kpɔtɔɔ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ, nɛ ma kpata a hɛ mi pɛsɛpɛsɛ.

Ezekiel 20:21

“Se jamɛ a yi nɔ bi ɔmɛ hu tsɔ ye hɛ mi atuã; a nyɛɛ we ye blɔ nya tomi ɔmɛ a nɔ, nɛ a yi ye mlaa amɛ a nɔ. A ble ye Hejɔɔmi ligbi ɔmɛ hulɔ. Níhi nɛ ke nɔmlɔ pee nɛ e yi ma na wami ɔ, a pee we. Lɔ ɔ he ɔ, i to ye yi mi kaa ma ha nɛ a nu ye we abofu gbeyegbeye ɔ he ngɛ nga a nɔ.

Mose III, 18:5

Mlaahi nɛ i wo nyɛ, kɛ blɔ nyahi nɛ i to ha nyɛ ɔ, nyɛɛ ye a nɔ pɛpɛɛpɛ. Ke nyɛ pee ja a, nyɛ yi ma na wami. Imi ji Yawɛ.”

Romabi 10:5

Nɔ nɛ Mose ngma ngɛ nɔmlɔ nɛ a buu lɛ nɔ nɛ da ngɛ mlaa a nɔ nɛ e yeɔ ɔ he ji nɛ ɔ nɛ: “Nɔ tsuaa nɔ nɛ yeɔ mlaa a nɔ fitsofitso ɔ, e yi ma na wami.”

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Romabi 7:9

Imi nitsɛ hu, i hi si hyɛ nɛ i li mlaa; se benɛ mlaa a ba a, e tle yayami si wawɛɛ ngɛ ye mi, nɛ e ba pee gbenɔ ha mi.

2 Korintobi 3:7

Mlaa a nɛ a kpɛ́ ngɛ tɛhi a nɔ nɛ kɛ gbenɔ ba a, benɛ a ngɔ ha a, Mawu hɛ mi nyami ɔ je kpo. Hɛ mi nyami ɔ ha nɛ Mose hɛ mi ngɛ kpɛe. Ke jamɛ a be ɔ mi po nɛ hɛ mi nyami ɔ miɔ nɛ e maa ta a, e ha nɛ Mose hɛ mi ngɛ kpɛe bɔ nɛ Israel bi ɔmɛ nyɛ we Mose hɛ mi hyɛmi ɔ,

Galatabi 3:12

Se mlaa a kɔ we hemi kɛ yemi he; ejakaa a ngma ke, “Nɔ tsuaa nɔ nɛ yeɔ mlaa a nɔ sisiisi ɔ yi ma na wami ngɛ mlaa a nya.”