Romabi 6:5 - BAIBLO ALOO NGMAMI KLƆUKLƆU Ɔ

⁵ Ejakaa ke wa gbo kaa bɔ nɛ Kristo gbo ɔ, jã kɛ̃ a ma tle wɔ si kaa bɔ nɛ a tle Kristo si kɛ ba wami mi ekohu ɔ.

Somi He Ɔ

⁵ Ejakaa ke waa kɛ lɛ pee kake ngɛ e gbenɔ nɛ e gbo ɔ mi ɔ, lɔ ɔ lɛɛ waa kɛ lɛ maa pee kake ngɛ e si temi ɔ mi hulɔ.

Romabi 6:5 ပူးပေါင်းရင်းမြစ်များ

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

Mateo 15:13

Yesu he nɔ ke, “Tso tsuaa tso nɛ pi Tsaatsɛ nɛ ngɛ hiɔwe ɔ nɛ ma a, a maa hia.

Yohane 12:24

I ngɛ nyɛ dee anɔkuale mi ke, ke a du we ngma ngu ngɛ zu mi, nɛ e gbo ɔ, lɛɛ ngma ngu kake ngmelu ji lɛ daa. Se ke e gbo ɔ, e woɔ yiblii babauu.

2 Korintobi 4:10

Daa nɛ ɔ, a ngɛ wɔ dae nɛ a gbe wɔ kaa bɔ nɛ a gbe Yesu ɔ, konɛ a na wɔ kaa wɔ hu wa baa wa je mi kaa Kristo.

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

Kolosebi 3:1

A tle nyɛɛ kɛ Kristo tsuo si, lɔ ɔ he ɔ, nyɛ hla níhi nɛ ngɛ hiɔwe, he nɛ Kristo hii si ngɛ Mawu hiɔ nɔ ngɛ ɔ.