Romabi 6:4 - BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, nɛ a sɔle wɔ ɔ, wa gbo kaa bɔ nɛ Kristo gbo ɔ, nɛ a pu waa kɛ lɛ tsuo, konɛ bɔ nɛ Tsɛ ɔ tle Kristo si ngɛ nyami mi ɔ, wɔ hu wa na wami he.

Somi He Ɔ

⁴ Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Romabi 6:4 ပူးပေါင်းရင်းမြစ်များ

Yohane 11:40

Yesu de lɛ ke, “Anɛ i de we mo ke, ke o he ye ɔ, o maa na Mawu hɛ mi nyami ɔ lo?”

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Ni Tsumi 2:32

Mawu tle kikɛmɛ a Yesu nɛ ɔ nɔuu si kɛ je gbeje; lɔ ɔ he odase yeli ji wɔ tsuo.

Romabi 6:19

I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

Romabi 6:3

Anɔkuale mi ɔ, wa le kaa wɔ nihi abɔ nɛ a sɔle wɔ kɛ wo Kristo Yesu mi ɔ, wa gbo kaa bɔ nɛ Kristo ɔ gbo ɔ.

Romabi 6:8

Ke waa kɛ Kristo gbo ɔ, wa heɔ yeɔ kaa waa kɛ lɛ ma na wami hulɔ.

Romabi 6:9

Ejakaa wa le kaa a tle Kristo si kɛ je gbeje, nɛ e be gboe hu; niinɛ, gbenɔ be e nɔ he wami ko kulaa hu.

Romabi 7:6

Se jehanɛ lɛɛ wa ye wa he kɛ je mlaa a dɛ mi. Wa ngɛ kaa nihi nɛ gbo, nɛ mlaa nɛ fiɔ wɔ ɔ be wa nɔ he wami hu. Wa tsu we mlaa momo ɔ nɛ a ngma a nya ní hu. Se mohu blɔ he nɛ Mawu mumi ɔ tsɔɔ wɔ ɔ, lɔ ɔ nya wa sɔmɔɔ ngɛ.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

1 Korintobi 6:14

Mawu tle Nyɔmtsɛ ɔ si kɛ je gbeje, nɛ e kɛ e he wami ɔ ma tle wɔ hu si kɛ ba wami mi ekohu.

2 Korintobi 13:4

E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Efesobi 5:8

Jinɛ sa a, nyɛ nitsɛmɛ nyɛ ngɛ diblii mi, se nɛ nyɛ ngɔ nyɛ he ba mɛtɛ Nyɔmtsɛ, he ɔ, nyɛ ba plɛ la. Lɔ ɔ he ɔ, nyɛɛ ba nyɛ je mi kaa nihi nɛ kɛ la ngɛ nyɛɛe.

Kolosebi 3:10

Nyɛɛ wo nɔmlɔ su he. Nɔmlɔ su he nɛ ɔ ji nɔ́ nɛ Mawu, e bɔlɔ ɔ ngɛ mɔde bɔe daa nɛ kaa e maa hi kaa bɔ nɛ lɛ Mawu ɔ ngɛ ɔ, kɛkɛ nyɛ maa le lɛ fitsofitso.

Kolosebi 4:1

Nyɔmtsɛmɛ, nyɛɛ hɛɛ nyɛ nyɔguɛ ɔmɛ saminya ngɛ blɔ nɛ da nɔ. Nyɛ na nyɛɛ le kaa nyɛ hu nyɛ ngɛ Nyɔmtsɛ ngɛ hiɔwe.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

1 Yohane 2:6

Nɔ nɛ deɔ ke e ngɛ Mawu mi ɔ, e ba e je mi kaa bɔ nɛ Yesu Kristo ba e je mi ɔ.