Romabi 6:3 - BAIBLO ALOO NGMAMI KLƆUKLƆU Ɔ

³ Anɔkuale mi ɔ, wa le kaa wɔ nihi abɔ nɛ a sɔle wɔ kɛ wo Kristo Yesu mi ɔ, wa gbo kaa bɔ nɛ Kristo ɔ gbo ɔ.

Somi He Ɔ

³ Aloo nyɛ li kaa wa ti nihi abɔ nɛ a baptisi ngɔ wo Kristo Yesu mi ɔ, e gbenɔ ɔ mi a baptisi wɔ ngɔ wo lo?

Romabi 6:3 ပူးပေါင်းရင်းမြစ်များ

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Ni Tsumi 19:5

Benɛ a nu enɛ ɔ, a sɔle mɛ ngɛ Nyɔmtsɛ Yesu biɛ mi.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 8:16

Ejakaa Mumi ɔ bɛ a ti nɔ ko nɔ lolo; se a sɔle mɛ ngɛ Nyɔmtsɛ Yesu biɛ mi kɛkɛ.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

Romabi 6:8

Ke waa kɛ Kristo gbo ɔ, wa heɔ yeɔ kaa waa kɛ lɛ ma na wami hulɔ.

Romabi 7:1

Ye nyɛmimɛ, nyɛ tsuo nyɛ le mlaa a; nɛ nyɛ li kaa nɔmlɔ adesa wami be mi nɛ mlaa fiɔ lɛ lo?

1 Korintobi 10:2

Benɛ a ngɛ bɔku ɔ sisi, kɛ wo ɔ mi ɔ, a sɔle mɛ kaa Mose se nyɛɛli.

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

1 Korintobi 15:29

Jehanɛ ɔ, nihi nɛ a sɔlee mɛ ngɛ ni nɛmɛ nɛ gbo a nane mi ɔ, nyɛ ha wa susu a he kuku. Ke e ngɛ mi niinɛ kaa bɔ nɛ ni komɛ tsɔɔ ɔ, kaa a be ni gbogboehi si tlee kɛ ba wami mi ekohu ɔ, mɛni he je mɔ nɛ ni nɛ ɔmɛ ha nɛ a ngɛ mɛ sɔlee ngɛ ni nɛmɛ nɛ gbo ɔ a nane mi?

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

1 Korintobi 9:13

I heɔ yeɔ kaa nyɛ le kaa nihi nɛ tsuɔ ní ngɛ sɔlemi we ɔ, sɔlemi we ɔ a naa a nya mi ngma kɛ jeɔ. Ni nɛmɛ nɛ a ní tsumi ji kaa a sã bɔ ngɛ bɔ sami la tɛ ɔ nɔ ɔ, mɛ hu níhi nɛ a kɛ ba sã bɔ ɔ eko a yeɔ.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.