Romabi 6:19 - BAIBLO ALOO NGMAMI KLƆUKLƆU Ɔ

¹⁹ I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

Somi He Ɔ

¹⁹ Bɔ nɛ nɔmlɔ tuɔ munyu i ngɛ tue nɛ ɔ nɛ, ngɛ nyɛ he lo gbedemi ɔ he. Ejakaa kaa bɔ nɛ nyɛ ngɔ nyɛ he ni ɔmɛ ngɔ pee hiemi nihi kɛ mlaa tɔmi nyɔguɛhi kɛ sɛ mlaa tɔmi mi ɔ, ja nɔuu kɛ jeha nɛ ɔ nyɛɛ ngɔ nyɛ he ni ɔmɛ ngɔ pee dami nyɔguɛhi kɛ ha klɔuklɔu peemi.

Romabi 6:19 ပူးပေါင်းရင်းမြစ်များ

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Romabi 3:5

Se ke nɔ́ nɛ dɛ nɛ wa peeɔ ɔ, haa nɛ a naa paa kaa nɔ́ nɛ da pɛ Mawu peeɔ ɔ, lɛɛ kɛ wa ma de kɛɛ? Anɛ ke Mawu kɛ mi mi fumi gbla wa tue ɔ, e tɔ lo? (Bɔ nɛ i bi nɛ ɔ, ja kɛkɛ adesa tuɔ munyu.)

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Galatabi 3:15

Ye nyɛmimɛ, i suɔ kaa ma ha nyɛ nɔ hyɛmi nɔ́ ko kɛ je wa je mi si himi mi. Ke ni enyɔ ma nɔ́ ko nya si, nɛ a pee womi ngɔ fɔ nɔ ɔ, nɔ ko nɔ ko be nyɛe maa po mi, loo e maa ngɔ nɔ́ kpa ko ngɔ piɛ he.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

1 Korintobi 9:8

Pi níhi nɛ a naa ngɛ adesa wami si himi mi daa ligbi kɛkɛ a he munyu nɛ i ngɛ tue. Nyɛ maa na nɔ́ nɛ i de nɛ ɔ nɔuu ngɛ Mawu mlaa womi ɔ mi.

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Romabi 8:26

Ja nɔuu, ke wa gbede ɔ, mumi ɔ piɛɔ wa he. Ejakaa ke wa ngɛ sɔlee ɔ, wa li nɔ́ tutuutu nɛ sa kaa wa deɔ. Mumi ɔ nitsɛ daa mi ha wɔ kɛ kɔmɔ yemi nɛ a be nyɛe maa kale.

Mateo 4:23

Yesu kpa Galilea tsuo; e tsɔɔ ní ngɛ a kpe he ɔmɛ, nɛ e fiɛ matsɛ yemi ɔ he sane kpakpa a, nɛ e tsa hiɔhi tsuo nɛ ngɛ ni ɔmɛ a he.

Romabi 7:23

Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Mose III, 13:40

Ke bwɔmi ta nyumu yi mi ɔ, e yi mi kɛkɛ lɛ kpa; se e he tsɔ.