Romabi 6:18 - BAIBLO ALOO NGMAMI KLƆUKLƆU Ɔ

¹⁸ Mawu ha nyɛ ye nyɛ he kaa nihi nɛ kpa yayami peemi, nɛ nyɛ ba bɔni nɔ́ nɛ da peemi.

Somi He Ɔ

¹⁸ A kpɔ nyɛ kɛ je yayami dɛ mi nɛ nyɛ ye nyɛ he nɛ nyɛ plɛ dami nyɔguɛhi.

Romabi 6:18 ပူးပေါင်းရင်းမြစ်များ

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Galatabi 5:1

Wa ye wa he. Ee, Kristo ha wa ye wa he. Nyɛɛ da si kpitikplii, konɛ nɔ ko kó ye nyɛ nyɔguɛ hu.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Yohane 8:32

Kɛkɛ ɔ, nyɛ maa le anɔkuale ɔ; nɛ anɔkuale ɔ ma ha nyɛ maa ye nyɛ he.”

Romabi 6:7

Ejakaa ke nɔ ko gbo ɔ, e kɛ yayami gba mi.

Romabi 6:14

Nyɛ ko ha nɛ yayami nɛ ye nyɛ nɔ hu; ejakaa mlaa nɛ fiɔ nɔ ɔ, be nyɛ nɔ he wami hu; Mawu dloomi ɔ mohu lɛ hɛɛ nyɛ.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

1 Petro 2:16

Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.

Yesaya 26:13

Yawɛ, o se ɔ, nyɔmtsɛmɛ kpahi ba ye wa nɔ lɛɛ, se mo pɛ nɛ wa le.

La 119:45

nɛ ma hi si ngɛ he jɔmi mi; ejakaa o mlaa nɔ i hlaa kaa ma ye.

La 119:32

Ma ye o mlaa amɛ a nɔ kɛ gɛjɛmi; ejakaa o ha nɛ i nu mlaa amɛ a sisi saminya.

La 116:16

Yawɛ, o tsɔlɔ ji mi; mo lɛ i sɔmɔɔ kaa bɔ nɛ ye nyɛ pee ɔ pɛ. O je mi kɛ je gbenɔ mi.

Yohane 8:36

Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,