Romabi 6:17 - BAIBLO ALOO NGMAMI KLƆUKLƆU Ɔ

¹⁷ Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

Somi He Ɔ

¹⁷ Se sina ha Mawu kaa jinɛ sa a yayami nyɔguɛhi ji nyɛ, se jeha nɛ ɔ nyɛ je nyɛ tsui tsuo mi kɛ bu kikɛmɛ a tsɔɔmi nɛ a ngɔ nyɛ ngɔ wo mi nɛ ɔ tue.

Romabi 6:17 ပူးပေါင်းရင်းမြစ်များ

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

La 18:44

Nibwɔhi ma ba kpla si ha mi; ke a nu ye he pɛ a maa bu mi tue.

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”

Ni Tsumi 28:15

Benɛ nyɛmimɛ ɔmɛ nɛ ngɛ Roma a nu wa he ɔ, a ba kpee wɔ ngɛ he ko nɛ a tsɛɛ “Apio Jua nɔ” kɛ “Nibwɔhi a to he Etɛ” ɔ tɔɔ. Benɛ Paulo na mɛ ɔ, e na Mawu si, nɛ e tsui nɔ e mi fuaa.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Romabi 1:8

Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Romabi 2:8

Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

1 Korintobi 1:4

I naa Mawu si daa kɛ haa nyɛ ngɛ dloomi nɛ e ngɔ ha nyɛ kɛ gu Kristo Yesu nɔ ɔ he.

1 Korintobi 14:6

Lɔ ɔ he ɔ, ye nyɛmimɛ, ke i ba nyɛ ngɔ nɛ i ba ngɛ gbi slɔɔtohi tue ɔ, nyɛ ma na he se ko lo? Dɛbi! Ja i ngɔ nɔ́ ko nɛ Mawu je tsɔɔ mi ba ha nyɛ; ja i ngɔ nile, loo sɛ gbi pɔtɛɛ, loo tsɔɔmi ko ba ha nyɛ.

2 Korintobi 2:14

Se sina ha Mawu! Mawu haa Kristo yeɔ yayami he wami ɔ nɔ kunimi daa, nɛ kikɛmɛ a kunimi yemi nɛ ɔ peeɔ wɔ bɔfo ɔmɛ hu wa nɔ́. Mawu guu wa nɔ kɛ fiɛɔ sɛ gbi nɛ kɔɔ Kristo he ɔ kɛ yaa he tsuaa he kaa bɔ nɛ nɔ́ ko he via yaa tsitsaa a.

Efesobi 1:16

i kpa we Mawu si nami ha nyɛ. Ke i ngɛ sɔlee ɔ, i kaiɔ nyɛ,

1 Tesalonikabi 3:9

Nyɛ he ɔ, Mawu haa wɔ bua jɔmi babauu nɛ wa be nyɛe maa na lɛ si saasaa.

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

2 Timoteo 1:13

Anɔkuale ɔ nɛ i tsɔɔ mo ɔ, pɛtɛ he kaa nɔhyɛ nɔ́, nɛ hemi kɛ yemi, kɛ suɔmi nɛ wa na kɛ gu Kristo Yesu mi ɔ, koo ngmɛɛ he.

Filemon 1:4

Ye nyɛmi Filemon, be tsuaa be nɛ ma sɔle ɔ, i woɔ o ta, nɛ i naa Mawu si.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

1 Petro 1:22

Amlɔ nɛ ɔ, anɔkuale tsɔɔmi ɔ nɛ kɔɔ Yesu Kristo he ɔ, nyɛ ye nɔ. Nyɛ tsukɔ nyɛ he, nɛ nyɛ ba na suɔmi kpakpa kɛ ha nyɛ nyɛmimɛ nɛ ngɔ a he ngɔ ha Yesu ɔ. Lɔ ɔ he ɔ, nyɛɛ suɔ nyɛ sibi saminya kɛ nyɛ tsui tsuo.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

1 Petro 3:1

Jã nɔuu kɛ̃, nyɛ yigbayihi hu, nyɛɛ ba nyɛ he si ha nyɛ hunomɛ, bɔ nɛ pee nɛ ke a ti ni komɛ he we Mawu munyu ɔ yi ɔ, nyɛ je mi bami nɛ tsake mɛ. E be hiae kaa a kɛ mɛ nɛ tu munyu po,

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!

2 Yohane 1:4

I na bua jɔmi babauu, benɛ i nu kaa o bimɛ ɔmɛ ekomɛ baa a je mi ngɛ anɔkuale ɔ nya kaa bɔ nɛ Tsɛ ɔ fa wɔ ke waa pee ɔ.

3 Yohane 1:3

I na bua jɔmi babauu benɛ nyɛmimɛ ɔmɛ ekomɛ ba hiɛmɛ nɛ ɔ ba bɔ mi amaniɛ ngɛ o he ɔ. A tsɔɔ kaa o ngɔ o he ngɔ ha Mawu kulaa kaa bɔ nɛ o ngɛ anɔkuale mi ɔ.