Romabi 6:16 - BAIBLO ALOO NGMAMI KLƆUKLƆU Ɔ

¹⁶ Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

Somi He Ɔ

¹⁶ Anɛ nyɛ li kaa nɔ nɛ nyɛ ngɔɔ nyɛ he ngɔ peɔ nyɔguɛhi haa nɛ nyɛ buɔ lɛ tue ɔ, lɛ nɔuu e nyɔguɛhi ji nyɛ nɛ nyɛ buɔ lɛ tue ɔ lo? — yayami nɛ kɛ nɔ yaa gbenɔ mi ɔ jio, loo tuebumi nɛ kɛ nɔ yaa dami mi ɔ jio.

Romabi 6:16 ပူးပေါင်းရင်းမြစ်များ

Mose I, 4:7

E ji o pee nɔ́ nɛ hi jinɛ i ko na o he bua jɔmi. Se akɛnɛ o ya pee we nɔ́ nɛ hi ɔ, yayami buu si ngɛ o sinya a nya kaa lohwe dikalɔ nɛ e miɔ nɛ e maa tu mla mo. Se, hyɛ nɛ o ye yayami ɔ nɔ.”

Mateo 20:4

E de mɛ ke, ‘Nyɛ hu nyɛɛ ya nɛ nyɛ ya tsu ní ngɛ wai ngmɔ ɔ mi, nɛ ma wo nyɛ hiɔ bɔ nɛ sa.’

Mateo 6:24

“Nɔ ko be nyɛe ma sɔmɔ nyɔmtsɛmɛ enyɔ; eko ɔ, e maa nyɛ nɔ kake, nɛ e maa suɔ nɔ kake; aloo e maa pee nɔ kake suɔmi nya ní, nɛ nɔ kake ɔ lɛɛ e be lɛ bue fɛɛ. O be nyɛe ma sɔmɔ Mawu kɛ sika tsuo.

Yohane 8:34

Yesu de mɛ ke, “I ngɛ nyɛ dee anɔkuale mi ke nɔ tsuaa nɔ nɛ peeɔ yayami ɔ, yayami ɔ nyɔguɛ ji lɛ.

Romabi 11:2

Mawu kua we e ma nɛ e hla blema lokoo ɔ. Tse nyɛ le nɔ́ nɛ ngmami ɔ deɔ ngɛ Eliya yi nɔ benɛ Eliya po Israel nya ha Mawu ke,

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

1 Korintobi 6:2

Anɛ nyɛ li kaa ni klɔuklɔu ɔmɛ lɛ maa kojo je ɔ lo? Saminya! Ke nyɛ lɛ nyɛ maa kojo je ɔ, lɛɛ sane wawi kojomi pi nɔ́ ko kulaa ha nyɛ.

1 Korintobi 6:3

Tse nyɛ le kaa nyɛ lɛ nyɛ maa kojo hiɔwe bɔfo ɔmɛ! Nɛ daa ligbi munyu tsɔwitsɔwi ɔ lɛɛ nyɛ be nyɛe maa kojo?

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

1 Korintobi 9:13

I heɔ yeɔ kaa nyɛ le kaa nihi nɛ tsuɔ ní ngɛ sɔlemi we ɔ, sɔlemi we ɔ a naa a nya mi ngma kɛ jeɔ. Ni nɛmɛ nɛ a ní tsumi ji kaa a sã bɔ ngɛ bɔ sami la tɛ ɔ nɔ ɔ, mɛ hu níhi nɛ a kɛ ba sã bɔ ɔ eko a yeɔ.

1 Korintobi 9:24

Anɛ nyɛ li kaa ke nihi babauu tu fo ɔ, nɔ kake too lɛ naa ayekoo ní ɔ lo? Lɔ ɔ he ɔ, nyɛɛ tu fo ɔ jã nɔuu, konɛ nyɛ hu nyɛ nine nɛ su ayekoo ní ɔ nɔ.

Yoshua 24:15

Ke nyɛ sume kaa nyɛ ma sɔmɔ lɛ ɔ, nyɛɛ tsɔɔ mwɔnɛ nɛ ɔ nɔ nɛ nyɛ ma sɔmɔ; ke mawu ɔmɛ nɛ nyɛ nɛmɛ ɔmɛ ja ngɛ Mesopotamia a jio, loo Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ jio. Se imi kɛ ye we ɔ lɛɛ, wa ma sɔmɔ Yawɛ.”

2 Petro 2:19

A woɔ mɛ si ke a maa ye a he, be mi nɛ mɛ nitsɛmɛ a pee a he nyɔguɛhi kɛ ha níhi nɛ puɛɔ nɔ. Ejakaa nɔ́ tsuaa nɔ́ nɛ yeɔ nɔ ko nɔ ɔ, nɔ ɔ peeɔ nyɔguɛ ha jamɛ a nɔ́ ɔ.