Romabi 6:14 - BAIBLO ALOO NGMAMI KLƆUKLƆU Ɔ

¹⁴ Nyɛ ko ha nɛ yayami nɛ ye nyɛ nɔ hu; ejakaa mlaa nɛ fiɔ nɔ ɔ, be nyɛ nɔ he wami hu; Mawu dloomi ɔ mohu lɛ hɛɛ nyɛ.

Somi He Ɔ

¹⁴ Ejakaa yayami be nyɛ nɔ he wami nae, ejakaa pi mlaa sisi nɛ nyɛ ngɛ, se mohu dloomi sisi nyɛ ngɛ.

Romabi 6:14 ပူးပေါင်းရင်းမြစ်များ

Galatabi 5:18

Se ke mumi ɔ lɛ tsɔɔ nyɛ blɔ ɔ, lɛɛ mlaa a yi nyɛ nɔ hu.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Romabi 6:12

Nyɛ ko ha nɛ yayami nɛ ye nyɛ nɔmlɔ tso nɛ gboɔ ɔ nɔ hu. Nyɛ ko di nɔmlɔ tso ɔ we akɔnɔ níhi a se.

Yohane 8:36

Lɔ ɔ he ɔ, ke Bi ɔ ha nyɛ ye nyɛ he ɔ, nyɛ maa ye nyɛ he niinɛ.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Galatabi 3:23

Se benɛ Kristo na we nɛ e ba lolo ɔ, wɔ tsuo wa pee kaa nihi nɛ a wo mɛ tsu, nɛ mlaa a lɛ ngɛ wɔ blɔ tsɔɔe. Kikɛmɛ a si himi mi wa ngɛ hluu kɛ ya si Kristo ba.

Romabi 8:12

Lɔ ɔ he ɔ, ye nyɛmimɛ, sane tloo wɔ, se pi he lo nya nɔ́ ko nɛ wa maa hi si ja.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Galatabi 4:21

Nyɛ nihi nɛ nyɛ ngɛ hlae kaa mlaa a nɛ ye nyɛ nɔ ɔ, nyɛ ha ma bi nyɛ nɔ́ ko. Nɔ́ nɛ mlaa a deɔ ɔ be mi lo?

Romabi 11:6

Nɛ ke dloomi nya a, lɛɛ pi ní tsumi ko nɛ a tsu he hu. Kaa ní tsumi ko nɛ a tsu he ɔ, jinɛ dloomi ɔ pi dloomi hu.

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

Romabi 6:15

Lɛɛ kɛ ji lɛ kɛɛ? Ke mlaa ko fí wɔ, se Mawu dloomi ɔ lɛ hɛɛ wɔ ɔ, lɛɛ waa ya nɔ waa pee yayami lo? Dɛbi!

Mika 7:19

O maa na wɔ mɔbɔ ekohu. O kɛ o nane maa naa wa ní yayami ɔmɛ a nɔ, nɛ o maa muɔ kɛ ya wo wo mi, kɛ yaa su wo ɔ sisi tɔɔ!

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Romabi 5:17

Ejakaa ke yayami nɛ nɔ kake pee ɔ, ha gbenɔ kpata nihi babauu a hɛ mi ɔ, lɛɛ nihi tsuo nɛ a nine su Mawu dloomi ɔ nɔ, nɛ Mawu gu nɔke nɔ́ ɔ nɔ bu mɛ nihi nɛ da a, Kristo ma ha a na neneene wami hluu tsɔ.

Romabi 5:18

Lɔ ɔ he ɔ, kaa bɔ nɛ yayami kake he ɔ, a bu nihi tsuo fɔ ɔ, jã nɔuu kpakpa kake he ɔ, Mawu maa wo nihi tsuo nguɔ, nɛ a ma he a yi wami.

Mose III, 25:41

Ke Heyemi jeha a su ɔ, lɛ, kɛ e bimɛ tsuo nɛ a ngɛ o ngɔ ɔ ma nyɛ ma si mo kɛ ho mɛ nitsɛmɛ a weku li a ngɔ ya ngɛ a nɛmɛ a nɔ́ mi.