Romabi 6:13 - BAIBLO ALOO NGMAMI KLƆUKLƆU Ɔ

¹³ Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

Somi He Ɔ

¹³ Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

Romabi 6:13 ပူးပေါင်းရင်းမြစ်များ

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

La 37:30

Dalɔ nya mi munyu ɔ, nile sɔuu; daa nɛ ɔ, e suɔ kaa a ye dami sane.

Abɛ Womi 12:18

Munyu nɛ a tuɔ kɛkɛ nɛ juɛmi be mi ɔ, e yeɔ nɔ awi kaa klaate. Se ní lelɔ nya mi munyu tsaa nɔ.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Luka 15:24

Ejakaa ye binyumu nɛ ɔ gbo, se e kpale ba wami mi ekohu; e laa, se a na lɛ.’ Nɛ a bɔni nyami.

Luka 15:32

Se e sa kaa wa nya, nɛ wa na bua jɔmi, ejakaa o nyɛmi nɛ ɔ gbo, se e kpale ba wami mi ekohu; e laa, se a na lɛ.’ ”

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Romabi 1:29

A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 6:11

Ja nɔuu nyɛɛ bu nyɛ he kaa nihi nɛ gbo ngɛ yayami peemi blɔ fa mi; se ngɛ Yesu Kristo mi ɔ, Mawu ha nɛ nyɛ hɛ ngɛ.

Romabi 6:16

Anɛ nyɛ li kaa ke nyɛɛ kɛ nyɛ he ha nɔ ko nɛ nyɛ buɔ lɛ tue ɔ, yayami nɛ kɛ nɔ yaa gbenɔ mi ɔ jio, Mawu tue bumi nɛ haa nɔ peeɔ nɔ́ nɛ da a jio, nyɛ peeɔ nyɔguɛ kɛ ha lɛ lo?

Romabi 6:19

I ngɔ nɔ́ nɛ ɔ kɛ to nyɛ nitsɛmɛ nyɛ je mi bami he, ejakaa gbɔjɔmi ngɛ nyɛ he. Sa a, yayami ye nyɛ nyɔguɛ, nɛ nyɛ ngɔ nyɛ nɔmlɔ tso ɔ he ní ɔmɛ kɛ tsu mu ní kɛ pee yayami gbegbeegbe; jã kɛ̃ jehanɛ lɛɛ nyɛɛ pee níhi nɛ da, konɛ nyɛ he nɛ tsɔ.

Romabi 7:23

Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Romabi 7:5

Ejakaa be nɛ wa hi si ngɛ he lo nya a, waa kɛ wa nɔmlɔ tso ɔ tsu akɔnɔ ní yayamihi nɛ mlaa a tleɔ si ngɛ wa mi ɔ, nɛ waa kɛ wo yiblii ha gbenɔ.

1 Korintobi 6:15

Anɛ nyɛ li kaa nyɛ nɔmlɔ tso ɔ, Kristo nɔmlɔ tso ɔ he níhi ji mɛ lo? Lɛɛ ma ngɔ Kristo nɔmlɔ tso ɔ he ní komɛ kɛ ya pee yaholɔ hu e nɔmlɔ tso he níhi lo? Dɛbi!

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

2 Korintobi 10:4

Ta hwumi níhi nɛ wa hɛɛ ɔ, pi he lo mi níhi; se mohu Mawu nitsɛ e ta hwumi ní kpakpahi nɛ a kɛ kuɔ mɔ nguahi. Wa tsiɔ yi mi susumi yayami nya,

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

2 Korintobi 8:5

Nɔ́ nɛ nyɛɛ se ɔ, wa hɛ be nɔ kulaa! Kekleekle ɔ, a ngɔ a he ngɔ ha kaa a ma sɔmɔ Nyɔmtsɛ Yesu ngɛ blɔ tsuaa blɔ nɔ. Jehanɛ hu, a wo wɔ si ke a maa bu wɔ tue kaa bɔ nɛ Mawu hlaa nɛ a pee ɔ.

Efesobi 2:5

Lɔ ɔ he ɔ, be mi nɛ wa gbo tue, nɛ wa pee kaa nihi nɛ gbo ɔ, e ha wa ba wami mi ekohu benɛ e tle Kristo si kɛ je gbeje ɔ. Dloomi nya nɛ a he nyɛ yi wami.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Mose V, 25:16

Ejakaa Yawɛ sume nihi nɛ sisiɔ nɔ.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Kolosebi 2:13

Sa a, nyɛ ngɛ kaa ni komɛ nɛ gbo, ejakaa nyɛ peeɔ yayami, nɛ he lo nya a, a pui nyɛ. Se amlɔ nɛ ɔ, Mawu ha nɛ nyɛɛ kɛ Kristo tsuo ba wami mi ekohu; ee, Mawu ngɔ wɔ tsuo wa he yayami ɔmɛ ngɔ pa wɔ.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

2 Tesalonikabi 2:12

Kɛkɛ ɔ, nihi tsuo nɛ he we anɔkuale ɔ yi, se yayami mohu he a bua jɔɔ ɔ, a maa bu mɛ fɔ.

2 Timoteo 2:15

Bɔɔ mɔde wawɛɛ kaa ní tsulɔ kpakpa, konɛ Mawu nɛ ná o he bua jɔmi. E ko pee mo zo kulaa kaa o maa tsɔɔ anɔkuale munyu ɔ saminya.

Yakobo 4:1

Ta kɛ pɛ nɛ ngɛ nyɛ kpɛti ɔ, mɛni kɛ ní nɛ ɔmɛ baa? Anɛ pi nyɛ he lo mi akɔnɔ nɛ ngɛ ní tsue ngɛ nyɛ mi lo?

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 4:2

Lɔ ɔ he ɔ, kɛ je be nɛ ɔ mi kɛ yaa si nyɛ maa gbe nyɛ je nɛ ɔ mi si himi nya a, nyɛɛ hi si kaa bɔ nɛ Mawu suɔ, se pi kaa bɔ nɛ nyɛ tsui suɔ.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.