Romabi 6:10 - BAIBLO ALOO NGMAMI KLƆUKLƆU Ɔ

¹⁰ Kristo gbo ngɛ adesa he yayami he si kake nyɔngloo. Amlɔ nɛ ɔ, e hɛ ngɛ, nɛ e kɛ Mawu ngɛ kɛ yaa neneene.

Somi He Ɔ

¹⁰ Ejakaa nɛ e gbo ɔ, yayami e gbo ha si kake pɛ; se nɛ e hɛ ngɛ nɛ ɔ ɔ, Mawu e hɛ ngɛ ha.

Romabi 6:10 ပူးပေါင်းရင်းမြစ်များ

Luka 20:38

Mawu ɔ, hɛ kali a Mawu ji lɛ, se pi ni gbogboehi a Mawu; ejakaa e hɛ mi ɔ, nihi tsuo a hɛ ngɛ.”

Romabi 6:11

Ja nɔuu nyɛɛ bu nyɛ he kaa nihi nɛ gbo ngɛ yayami peemi blɔ fa mi; se ngɛ Yesu Kristo mi ɔ, Mawu ha nɛ nyɛ hɛ ngɛ.

Romabi 6:9

Ejakaa wa le kaa a tle Kristo si kɛ je gbeje, nɛ e be gboe hu; niinɛ, gbenɔ be e nɔ he wami ko kulaa hu.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Petro 4:6

Enɛ ɔ he je nɛ a fiɛ sane kpakpa a ngɔ tsɔɔ ni gbogboehi tete po ɔ nɛ. A kojo mɛ ngɛ he lo blɔ fa mi kaa nimli adesahi mohu lɛɛ, se a ya fiɛ sane kpakpa a ngɔ tsɔɔ mɛ, konɛ a kɛ Mawu nɛ hi si ngɛ mumi mi.