Romabi 5:11 - BAIBLO ALOO NGMAMI KLƆUKLƆU Ɔ

¹¹ Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Somi He Ɔ

¹¹ Pi lɔ ɔ kɛkɛ, se mohu wa fiaa fɔɔ Mawu nɔ hulɔ ngɛ wa Nyɔmtsɛ Yesu Kristo he, nɔ nɛ nɔ nɛ wa gu jeha nɛ kɛ na kpatami ɔ.

Romabi 5:11 ပူးပေါင်းရင်းမြစ်များ

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

La 149:2

Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 32:11

Nyɛ dali, nɔ́ nɛ Yawɛ pee ha nyɛ ɔ he je ɔ, nyɛ nya nɛ nyɛ bua nɛ jɔ nyɛ he. Nyɛ nihi nɛ nyɛ buɔ lɛ tue, nyɛ hwɔ lele.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Luka 1:46

Maria ke, “I ngɔ ye tsui tsuo kɛ ngɛ Nyɔmtsɛ ɔ yi jee.

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Romabi 2:17

Nyɛɛ lɛɛ kɛ nyɛ sane ngɛ kɛɛ? Nyɛ tsɛɔ nyɛ he Yuda bi, nɛ nyɛ daa mlaa a nɔ kɛ fĩaa kaa Mawu nihi ji nyɛ.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Romabi 5:3

Wa le kaa dengme nɛ wa ngɛ gboe ɔ be yaka pee. Pi enɛ ɔ kɛkɛ, se ke wa ngɛ nɔ́ nae po, wa naa bua jɔmi, ejakaa wa le kaa nɔ́ nami haa nɛ wa toɔ wa tsui si;

Romabi 8:23

Se pi mɛ kɛkɛ, mohu wɔ nitsɛmɛ tete nɛ wa ná mumi ɔ yiblii ɔ, wɔ hu ja nɔuu wa hii kɛmɛmi nɔ wawɛɛ ngɛ wa mi, be mi nɛ wa ngɛ Mawu blɔ hyɛe kaa e pee wɔ e bimɛ kɛ pi si, konɛ wa nɔmlɔ tso ɔ nɛ ye e he kulaa.

Romabi 9:10

Pi enɛ ɔ kɛkɛ, Rebeka bimɛ enyɔ ɔmɛ ɔ, e kɛ wa tsɛ Isak kake ɔ nɔuu nɛ fɔ mɛ.

1 Korintobi 10:16

Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?

2 Korintobi 8:19

Pi kaa nyɛmi nɛ ɔ hé biɛ kɛkɛ, se asafo ɔmɛ je blɔ hla lɛ nɛ e kɛ wɔ nɛ nyɛɛ. Suɔmi ní tsumi ɔ nɛ wa ngɛ tsue kɛ ngɛ nɔ́ ko nya buae ɔ, e maa piɛ wa he kɛ tsu. Enɛ ɔ maa wo Nyɔmtsɛ ɔ hɛ mi nyami, nɛ e maa tsɔɔ wa mɔde bɔmi hulɔ.

Galatabi 4:9

Se jehanɛ nɛ nyɛ ba le Mawu, aloo ke ma de ɔ, Mawu mohu le nyɛ ɔ, mɛni he je nɛ nyɛɛ kɛ mumihi nɛ be he wami ko, nɛ a ní ngɛ mɔbɔ kikɛ nɛ ɔ, ekohu ɔ? Kɛ pee kɛɛ nɛ nyɛ ma ha nɛ a kpale ye nyɛ nyɔguɛ ɔ?

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Kolosebi 2:6

Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!