Romabi 5:1 - BAIBLO ALOO NGMAMI KLƆUKLƆU Ɔ

¹ Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Somi He Ɔ

¹ Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Romabi 5:1 ပူးပေါင်းရင်းမြစ်များ

Hiob 21:21

Ke nɔ ko gbo ɔ, anɛ e pa susuɔ bimɛ nɛ e si ngɛ se ɔ a he lo?

La 122:6

Nyɛɛ fa kue nɛ tue mi jɔmi nɛ ba Yerusalem. Nyɛ de ke, “Nihi nɛ suɔ mo Yerusalem ɔ, níhi a mi nɛ hi ha mɛ oo!

Yesaya 27:5

Se ke ye ma a a he nyɛli ngɛ hlae kaa ma bu a he ɔ, lɛɛ a kɛ mi nɛ ba kpata lolo. Niinɛ, e hia kaa a kɛ mi nɛ ba kpata.”

Yesaya 32:17

Dami sane nɛ ɔ kɛ tue mi jɔmi maa ba, nɛ a ma na he jɔmi kɛ maa ya neneene.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

Zakaria 6:13

Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Luka 19:38

A de ke, “Mawu nɛ gbaa matsɛ ɔ nɛ ma ngɛ Nyɔmtsɛ ɔ biɛ mi ɔ! He jɔmi ngɛ hiɔwe, kɛ hɛ mi nyami ha Mawu!”

Luka 19:42

nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Romabi 10:10

Ejakaa tsui a kɛ heɔ yeɔ loko Mawu woɔ nɔ nguɔ; nɛ ke waa kɛ wa nya jaje ɔ, a ma he wa yi wami.

Romabi 10:15

Nɛ kɛ maa pee kɛɛ nɛ nihi maa fiɛ, ke a tsɔ we mɛ? Kaa bɔ nɛ a ngma a, “Hyɛ bɔ nɛ he jɔmi sane kpakpa a fiɛli a nanehi ngɛ fɛu ha.”

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 15:33

He jɔmi Mawu ɔ kɛ nyɛ tsuo nɛ hi si. Amen!

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Romabi 4:5

Se nɔ nɛ ngɔɔ e hɛ ngɔ fɔɔ Mawu pɛ nɔ, se pi ní nɛ e tsuɔ nɔ ɔ, Mawu ɔ nɛ lɛ pɛ nɛ nyɛɔ woɔ yayami peelɔ nguɔ ɔ daa nɔmlɔ nɛ ɔ hemi kɛ yemi ɔ nɔ kɛ buɔ lɛ nɔ da.

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Romabi 5:18

Lɔ ɔ he ɔ, kaa bɔ nɛ yayami kake he ɔ, a bu nihi tsuo fɔ ɔ, jã nɔuu kpakpa kake he ɔ, Mawu maa wo nihi tsuo nguɔ, nɛ a ma he a yi wami.

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

Romabi 9:30

Lɛɛ kɛ wa ma de kɛɛ? Ma je li ɔmɛ nɛ jinɛ a, kaa a bu mɛ nihi nɛ da a, a bu mɛ ni nɛ da ejakaa a he Mawu ye.

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

Galatabi 3:25

Se amlɔ nɛ ɔ nɛ Kristo ba, nɛ wa he lɛ ye ɔ, pi mlaa a nɛ hɛɛ wɔ hu.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 2:7

E pee enɛ ɔ, konɛ e kɛ tsɔɔ yi nɔhi tsuo nɛ maa ba hwɔɔ se ɔ kaa Kristo Yesu he ɔ, e suɔ wɔ saminya, nɛ e dloo wɔ babauu.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

2 Tesalonikabi 3:16

Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,