Romabi 4:9 - BAIBLO ALOO NGMAMI KLƆUKLƆU Ɔ

⁹ Gbaami nɛ David tu he munyu ɔ, anɛ nihi nɛ a po mɛ ɔ kɛkɛ a nɔ lo? Dɛbi! Ni nɛmɛ a pui mɛ ɔ hu e kɔɔ a he. Ejakaa wa ngɛ dee ke, “Abraham he Mawu ye, lɔ ɔ he ɔ, Mawu bu lɛ nɔ nɛ da.”

Somi He Ɔ

⁹ Jeha nɛ kikɛmɛ a gbaami nɛ ɔ, ninɛmɛ nɛ a po mɛ ɔ kɛkɛ a kɛ gbaa aloo mɔmlɔtɔtsɛmɛ ɔmɛ hulɔ? Ejakaa wa deɔ ke a bu Abraham hemi kɛ yemi ɔ kaa dami ngɔ ha lɛ.

Romabi 4:9 ပူးပေါင်းရင်းမြစ်များ

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Romabi 4:3

Ngmami ɔ deɔ ke, “Abraham he Mawu ye, lɔ ɔ he ɔ, Mawu bu lɛ nɔ nɛ da.”

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Mose I, 15:6

Abram he Yawɛ ye; enɛ ɔ he je ɔ, Yawɛ bu lɛ nɔ nɛ peeɔ nɔ́ nɛ da.

Romabi 4:10

Mɛni be mi nɔ́ nɛ ɔ ba mi? Loko a po Abraham, aloo benɛ a po lɛ ɔ se? Nɔ́ nɛ ɔ ba mi loko a po lɛ.