Romabi 4:6 - BAIBLO ALOO NGMAMI KLƆUKLƆU Ɔ

⁶ Enɛ ɔ nɔuu David hu ngɛ tsɔɔe be nɛ e tu nɔ nɛ Mawu buu lɛ nɔ nɛ da, nɛ pohu pi nɔ́ ko nɛ e tsu he je ɔ e gbaami he munyu ɔ nɛ. E de ke,

Somi He Ɔ

⁶ Kaa bɔ nɛ David hu deɔ ngɛ nɔmlɔ nɛ Mawu siɔ ni tsumihi a se nɛ e buu dami haa lɛ ɔ he ke:

Romabi 4:6 ပူးပေါင်းရင်းမြစ်များ

2 Timoteo 1:9

Mawu he wa yi wami, nɛ e tsɛ wɔ, konɛ wa ba pee e nihi. Pi nɔ́ kpakpa ko nɛ wa pee he je, se mohu lɛ nitsɛ e yi mi tomi nya nɛ e dloo wɔ. Wa ná kikɛmɛ a dloomi nɛ ɔ kɛ gu Kristo Yesu nɔ blema lokoo loko a bɔ je ɔ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

La 112:1

A je Yawɛ yi! A gbaa nɔ nɛ yeɔ Yawɛ gbeye, nɛ e naa e mlaa amɛ a he bua jɔmi saminya a.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Galatabi 4:15

Bua jɔmi nɛ nyɛ kɛ nya ye he jamɛ a be ɔ, jije e ngɛ amlɔ nɛ ɔ? Imi nitsɛ ma nyɛ ma ye odase kaa jamɛ a be ɔ, kaa e hi peemi ɔ, jinɛ nyɛ ko ta nyɛ hɛngmɛ tete po ngɔ ha mi.

Romabi 4:24

Se mohu e kɔɔ wɔ hu wa he, wɔ nihi nɛ a maa wo wɔ nguɔ ja nɔuu ɔ; ejakaa nɔ nɛ tle wa Nyɔmtsɛ Yesu si kɛ ba wami mi ekohu ɔ, wa heɔ lɛ yeɔ.

Romabi 4:9

Gbaami nɛ David tu he munyu ɔ, anɛ nihi nɛ a po mɛ ɔ kɛkɛ a nɔ lo? Dɛbi! Ni nɛmɛ a pui mɛ ɔ hu e kɔɔ a he. Ejakaa wa ngɛ dee ke, “Abraham he Mawu ye, lɔ ɔ he ɔ, Mawu bu lɛ nɔ nɛ da.”

Romabi 3:27

Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Yeremia 33:16

E yi nɔ ɔ, a ma he Yuda yi wami, nɛ tue mi jɔmi maa ba Israel. Nɛ biɛ nɛ a kɛ ma tsɛ lɛ ji, ‘Yawɛ ji wa dami.’

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Mateo 25:19

“E ngɛ mi hluu ɔ, tsɔli ɔmɛ a nyɔmtsɛ ɔ ba, nɛ e kɛ mɛ ba bu akɔtaa.

Romabi 4:5

Se nɔ nɛ ngɔɔ e hɛ ngɔ fɔɔ Mawu pɛ nɔ, se pi ní nɛ e tsuɔ nɔ ɔ, Mawu ɔ nɛ lɛ pɛ nɛ nyɛɔ woɔ yayami peelɔ nguɔ ɔ daa nɔmlɔ nɛ ɔ hemi kɛ yemi ɔ nɔ kɛ buɔ lɛ nɔ da.

Romabi 4:7

“A gbaa nɔ nɛ a ngɔ e tɔmihi, kɛ e he yayamihi ngɔ pa lɛ!

Yakobo 2:18

Se nɔ ko ma de ke, “Moo lɛɛ o hɛɛ hemi kɛ yemi, nɛ imi lɛɛ i tsuɔ ní” Yoo, tsɔɔ mi o hemi kɛ yemi nɛ o tsu we he ní ɔ, nɛ imi hu i kɛ níhi nɛ i tsuɔ ɔ maa tsɔɔ mo kaa i heɔ yeɔ.