Romabi 4:3 - BAIBLO ALOO NGMAMI KLƆUKLƆU Ɔ

³ Ngmami ɔ deɔ ke, “Abraham he Mawu ye, lɔ ɔ he ɔ, Mawu bu lɛ nɔ nɛ da.”

Somi He Ɔ

³ Se kɛ ngmami ɔ deɔ kɛɛ? “Abraham he Mawu ye, Nɛ a bu kɔlɔ ɔ dami ha lɛ.”

Romabi 4:3 ပူးပေါင်းရင်းမြစ်များ

Mose I, 15:6

Abram he Yawɛ ye; enɛ ɔ he je ɔ, Yawɛ bu lɛ nɔ nɛ peeɔ nɔ́ nɛ da.

Yakobo 2:23

Nɛ nɔ́ nɛ ngmami ɔ de ɔ ba mi ke, “Abraham he Mawu ye, nɛ e hemi kɛ yemi ɔ ha nɛ Mawu bu lɛ dalɔ.” Enɛ ɔ he nɛ a tsɛɛ Abraham ke Mawu huɛ ɔ nɛ.

Romabi 4:9

Gbaami nɛ David tu he munyu ɔ, anɛ nihi nɛ a po mɛ ɔ kɛkɛ a nɔ lo? Dɛbi! Ni nɛmɛ a pui mɛ ɔ hu e kɔɔ a he. Ejakaa wa ngɛ dee ke, “Abraham he Mawu ye, lɔ ɔ he ɔ, Mawu bu lɛ nɔ nɛ da.”

Romabi 4:5

Se nɔ nɛ ngɔɔ e hɛ ngɔ fɔɔ Mawu pɛ nɔ, se pi ní nɛ e tsuɔ nɔ ɔ, Mawu ɔ nɛ lɛ pɛ nɛ nyɛɔ woɔ yayami peelɔ nguɔ ɔ daa nɔmlɔ nɛ ɔ hemi kɛ yemi ɔ nɔ kɛ buɔ lɛ nɔ da.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

La 106:31

Kɛ je jamɛ a be ɔ, a kaiɔ nɔ́ kpakpa nɛ e pee nɛ ɔ; nɛ a maa ya nɔ ma kai daa.

Romabi 11:2

Mawu kua we e ma nɛ e hla blema lokoo ɔ. Tse nyɛ le nɔ́ nɛ ngmami ɔ deɔ ngɛ Eliya yi nɔ benɛ Eliya po Israel nya ha Mawu ke,

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

Romabi 9:17

Ejakaa ngmami ɔ deɔ ke Mawu de Egipt matsɛ ɔ ke, “I wo mo tsɛ, bɔ nɛ pee nɛ ma je ye he wami kpo ngɔ tsɔɔ mo, konɛ o wo ye biɛ ta ngɛ je ɔ mi tsuo.”

Marko 12:10

Tse nyɛ kane kikɛmɛ a ngmami nɛ ɔ hyɛ? ‘Tɛ ɔ nɛ tsu fiali ɔmɛ bui, nɛ a sake fɔ he ɔ, lɔ ɔ nɔuu lɛ plɛ pee kɔ nya tɛ.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Mateo 20:9

Kɛkɛ nɛ nihi nɛ a bɔ mɛ apaa gbɔkuɛ ngmlɛ enuɔ ɔ ba, nɛ a ti nɔ tsuaa nɔ na sika hiɔ yi kake.